निराशाजनक ब्याटिङ सधैं तगारो

काठमाडौं । नेपाली टोली बंगलादेशमा जारी इमर्जिङ टिम्स एसिया कप क्रिकेट प्रतियोगिताको उपाधि होडबाट बाहिरिएको छ। लिग चरणको आफ्नो अन्तिम खेलमा सोमबार आयोजक बंगलादेशसँग आठ विकेटले पराजित भएपछि नेपाली टोली प्रतियोगिताबाट बाहिरिएको हो। समूहगत चरणको तीनमध्ये नेपालले एक खेलमा जित हात पार्‍यो भने दुई खेलमा पराजय भोग्यो।

नेपालले शनिबार भएको खेलमा हङकङलाई ४० रनले हराएको थियो। उक्त खेलमा नेपालका शरद भेषावकरले ८९ रन बनाएका थिए। आफ्नो पहिलो खेलमा नेपाली टोली भारतसँग सात विकेटले पराजित भएको थियो। समूह ‘बी’ मा दुई अंकसहित नेपाल तेस्रो भयो भने खाता खोल्न नसकेको हङकङ चौथो स्थानमा रह्यो। जारी प्रतियोगितामा नेपालको ब्याटिङ निराशाजनक देखियो।

समूह ‘बी’ बाट तीनवटै खेल जितेर ६ अंक हात पार्दै बंगलादेश विजेताका रूपमा सेमिफाइनलमा पुग्न सफल भयो। दुई जित र एक हारको नतिजा निकालेको भारत समूह उपविजेताका रूपमा सेमिफाइनलमा प्रवेश गर्‍यो। यसैगरी समूह ‘ए’ बाट ६ अंकसहित पाकिस्तान विजेता र चार अंकसहित अफगानिस्तान उपविजेता बन्दै सेमिफाइनलमा पुगे। उक्त समूहमा दुई अंकसहित ओमान तेस्रो र एक खेल पनि जित्न नसकेको श्रीलंका चौथो भए।

बंगलादेशविरुद्घ टस हारी पहिले ब्याटिङको निम्तो पाएको नेपालले ४४.३ ओभरमा अलआउट हुनुअघि एक सय ३८ रनमात्र बनाउन सक्यो। नेपालका लागि सोमपाल कामीले सर्वा्धिक ३८ रन बनाएका थिए। जवाफी ब्याटिङमा ओर्लिएको घरेलु टोलीले २४ ओभरमै केवल दुई विकेट गुमाएर एक सय ४० रन बनाउँदै विजयलक्ष्य पार गर्‍यो। बंगलादेशका लागि नजमुल सान्तोले अविजित ५९ रनको योगदान गरे। उनी म्यान अफ दी म्याच पनि घोषित भए।

यसैगरी लिग चरणको आफ्नो अन्तिम खेलमा अफगानिस्तानले बलियो श्रीलंकालाई सात विकेटले हरायो। टस हारी पहिले ब्याटिङ गरेको श्रीलंकाले ४९.५ ओभरमा अलआउट हुनुअघि दुई सय ३८ रन बनायो। जवाफमा अफगानिस्तानले ४४.५ ओभरमै तीन विकेट गुमाएर दुई सय ४२ रन बनाउँदै विजयलक्ष्य पार गर्‍यो। उक्त खेलमा अविजित एक सय दुई रन बनाउने अफगानिस्तानका ब्याट्सम्यान सहिदुल्लाह कमाल म्यान अफ दी म्याच घोषित भए।

अर्को खेलमा पाकिस्तानले ओमानलाई एक सय ४७ रनले हरायो। टस हारी पहिले ब्याटिङको निम्तो पाएको पाकिस्तानले निर्धा्रित ओभरमा ६ विकेट गुमाएर तीन सय १९ रनको विशाल योगफल तयार पार्‍यो। जवाफी ब्याटिङमा ओर्लिएको ओमानले ४७.३ ओभरमा अलआउट हुनुअघि एक सय ७२ रनमात्र बनाउन सक्यो। उक्त खेलमा एक सय १८ रन बनाउने पाकिस्तानी ब्याट्सम्यान हैदर अली खान म्यान अफ दी म्याच घोषित भए।

यसैगरी आफ्नो अन्तिम खेलमा भारतले हङकङलाई एक सय २० रनले हरायो। टस जिती पहिले ब्याटिङ रोजेको भारतले निर्धा्रित ओभरमा पाँच विकेट गुमाएर तीन सय २२ रन बनायो। जवाफमा हङकङको टोली ४७.३ ओभरमै केवल दुई सय दुई रन बनाउँदै अलआउट भयो। उक्त खेलमा अविजित एक सय चार रन बनाउने भारतीय ब्याट्सम्यान चिन्मय सुतार म्यान अफ दी म्याच भए। प्रतियोगिताको सेमिफाइनलमा बुधबार भारतले पाकिस्तान र बिहीबार बंगलादेशले अफगानिस्तानको सामना गर्नेछन्। फाइनल खेल शनिबार खेलिनेछ । अन्नपुर्ण

ताजा खबर

क्टरको लाइसेन्स परीक्षामा ५३ प्रतिशत फेल

१५ माघ, काठमाडौं । चिकित्सकहरुको नाम दर्ता प्रमाणपत्र (लाइसेन्स)...

चितवन–२ मा उपनिर्वाचन

काठमाडौँ, माघ १४ गते । सर्वोच्च अदालतले उपप्रधानमन्त्री तथा...

सुदूरपश्चिमबाट राष्ट्रिय गौरवका आयोजनाको निरीक्षण सुरु गर्ने प्रधानमन्त्रीको तयारी

कञ्चनपुर। प्रधानमन्त्री पुष्पकमल दाहाल (प्रचण्ड)ले सुदूरपश्चिमबाट राष्ट्रिय गौरवका आयोजनाको...

रास्वपाको कार्यवाहक सभापति र संसदीय दलको नेतामा डीपी अर्याल

काठमाडौं । राष्ट्रिय स्वतन्त्र पार्टीले डोलप्रसाद (डिपी) अर्याललाई कार्यवाहक...

सुदूरपश्चिम प्रदेशमा एमाले नेता राजेन्द्र रावल मुख्यमन्त्री बन्दै

सुदूरपश्चिम प्रदेशमा एमालेका नेता राजेन्द्र रावल मुख्यमन्त्री हुने भएका...

Website developed by:

spot_img

छुटाउनु भयो कि ?