लागु औषधसहित दुई जना पक्राउ

महेन्द्रनगर । कञ्चनपुरको महेन्द्रनगरमा लागु औषधसहित दुई जना युवक पक्राउ परेका छन् । शुक्रबार भीमदत्त–४ खुलामञ्चबाट लागु औषधसहित दुई युवकलाई पक्राउ गरिएको प्रहरीले जनाएको छन् ।
लागु औषध नियन्त्रण व्युरोका प्रहरी हवल्दार पदम सिंह विष्टका अनुसार भीमदत्त–४ बसपार्क बस्ने लोकेन्द्र राना मगर र भीनपा–४ गोबरैया बस्ने रवि सिंह रावललाई पक्राउ गरिएको हो । उनिहरुको साथबाट फेनारगन ४३ एम्पुल, बुपिनफिन ४२ र डाईजेपम ६ एम्पुल लागु औषध बरामद गरिएको छ । प्रहरी नियन्त्रणमा रहेका उनिहरुमाथि थप अनुसन्धान भईरहेको प्रहरीले जनाएको छ ।