महेन्द्रनगर । बैतडीमा घर भत्काउने गरि गएको पहिरोमा परि आमाछोराको मृत्यु भएको छ ।
लगातारको अविरल वर्षाका कारण घर पछाडीबाट आएको पहिरोमा पुरिएर जिल्लाको डिलाशैनी गाउँपालिका– ४ मठेराजका आनसीह बोहराकी श्रीमती ४० वर्षीय पशुपति वोहरा र निजका १२ वर्षीय छोरा रिकेश वोहराको मृत्यु भएको जिल्ला प्रहरी कार्यालय बैतडीका प्रहरी निरिक्षक एवम् प्रवत्ता किसन चन्दले बताए ।
गएराति १ बजेतिर पहिरो आउँदा उनीहरू घरसँगै पुरिएका थिए । पहिरोमा पुरिएको अवस्थामै उनीहरूको शव विहान ७ बजे फेला परेको प्रहरी जनाएको छ ।
हाल मृतकहरूको शव पोष्टमार्टमका लागि जिल्ला अस्पताल बैतडी लगिएको छ । फाइल फोटो
