धन सिह धामी, मंसिर १९
कञ्चनपुरमा भईरहेको बेथिति नियन्त्रणको माग अघि सार्दै नेकपा(माओवादी) निकट विद्यार्थी सगठन अखिल समाजवादीले जिल्ला प्रशासन कार्यालयमा ज्ञापन पत्र बुझाएको छ ।
शुक्रबार अखिल समाजवादीले सार्वजनिक सरकारी निकायमा बढिरहेको बेथिति नियन्त्रणको माग अघि सार्दै जिल्ला प्रशासन कार्यालय कञ्चनपुरमा ज्ञापन पत्र बुझाएको छ ।
अखिल समाजवादीका केन्द्रीय महासचिव प्रकास जप्रेलले जेनजी आन्दोलनका योद्धाहरुमाथि अन्याय गर्न थालेसंगै आन्दोलनबाट झन सरकारी निकाय भ्रष्टीकरण, कमिसनमा लिप्त भएकाले प्रमुख जिल्ला अधिकारीको ध्यानाकर्षण गराउन ज्ञापन पत्र बुझाएको बताए । अखिल समाजवादीका जिल्ला संयोजक ललित मिश्रद्वारा हस्ताक्षरित ज्ञापन पत्रमा ८बुँदे माग अघि सारिएको छ । कञ्चनपुरमा भ्रष्टाचारी व्यक्ति, दलका नेता, कार्यकर्ता, वर्तमान सासंसदका मन्त्री, जनप्रतिनिधी, ठेकेदार, उच्च पदस्थ कर्मचारी र उनीहरुमा घर परिवार, आफन्तको अवैध सम्पत्ती छानबिन गरेर कार्बाही गर्नुपर्ने, जेनजीमाथि दमन गर्ने गृहमन्त्री, प्रधानमन्त्री, प्रशासन, प्रहरी प्रमुखलाई कार्बाही, जेनजी आन्दोलनको निष्पक्ष छानबिन, भारतबाट आयात हुने गैर कानुनी बस्तुको नियन्त्रण, लागु औषध नियन्त्रण, भन्सार तस्करी रोकवाटको माग अघि सारिएको छ । अखिल समाजवादीले उठान गरेका मागमा प्रशासनले ध्यानाकर्षण भएको जनाएको
छ ।
