महेन्द्रनगर । सुदूरपश्चिममा कोरोना संकमितको संख्या २ हजार २ सय ७१ पुगेको छ ।
सुदूरपश्चिममा आइतबार एकै दिन थप १ सय ९५ जनामा कोरोना पुष्टि भएको हो ।
राष्ट्रिय जनस्वास्थ्य प्रयोगशाला टेकुमा गरीएको परीक्षणमा सुदूरपश्चिमका २ जना, शिक्षण अस्पताल प्रयोगशालामा गरीएको परीक्षणमा ६३ जना,कर्णाली स्वास्थ्य विज्ञान प्रतिष्ठानमा गरीएको परीक्षणमा ३२ जना र सेती प्रादेशिक अस्पतालमा गरीएको परीक्षणमा ९८ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डागेश्वर गौतमका अनुसार राष्ट्रिय जनस्वास्थ्य प्रयोगशालामा गरीएको परीक्षणमा संक्रमित हुनेमा डडेल्धुराका एक पुरुष, दार्चुलाका एक पुरुषमा संक्रमण पुष्टि भएको छ भने शिक्षण अस्पताल प्रयोगशालामा गरीएको परीक्षणमा बाजुराका २९ महिला,३४ पुरुषमा कोरोना पुष्टि भएको छ ।
त्यस्तै कर्णाली स्वास्थ्य विज्ञान प्रतिष्ठानमा गरीएको परीक्षणमा बाजुराका ११ महिला र २१ जना पुरुषमा कोरोना पुष्टि भएको प्रवत्ता गौतमले बताए ।
यता सेती प्रादेशिक अस्पतालमा गरीएको परीक्षणमा कैलालीका ११ महिला, १८ पुरुष र डोटीका १३ महिला,५८ जना पुरुषमा कोरोना पुष्टि भएको सेती प्रादेशिक अस्तालले जनाएको छ ।
सुदूरपश्चिममा हाल सम्म ६ जनाको मृत्यु भईसकेको छ भने २ सय ४४ जना अस्पतालबाट डिस्चार्ज भएका छन् ।
