एन.आई.सी. एशिया बैंक मार्फत वडाबाटै सामाजिक सुरक्षा भत्ता वितरण

महेन्द्रनगर । एन.आई.सी. एशिया बैंकले सामाजिक सुरक्षा भत्ता वितरण गर्न शुरु गरेको छ । कञ्चनपुरको भीमदत्त नगरपालिका वडा नम्वर ९ मटैनामा बैंकले यही २८ गते बाट सामाजिक सुरक्षा भत्ता वितरण शुरु गरेको हो ।

भीमदत्त नगरपालिकाको वडा नम्वर ९ अति दुगम वडा भएकाले वडा बाटै सामाजिक सुरक्षा भत्ता वितरण हुदा जेष्ठ नागरिक तथा अशाहायहरु लाई सहज भएको वडा नम्वर ९ का वडा अध्यक्ष गगन सिह कार्कीले बताए ।
सेवाग्राहीको सहजताको लागि भीमदत्त नगरपालिका, कन्चनपुरको समन्वयमा एन.आई.सी. एशिया बैंक, महेन्द्रनगर शाखाले वडा कार्यालयमै पुगेर सामाजिक सुरक्षा भत्ता वितरण गर्न थालको हो । आगामी दिनमा समेत सेवाग्राहीहरुलाई अझै सहज रुपमा सेवा दिने समेत बैंकले तयारी गरेको महेन्द्रनगर शाखाका शाखा प्रमुख, हेम राज बिष्टले बताए ।
उनले भने ‘‘ जेष्ठ नागरिक र अपांगता भएका सेवाग्राहीहरुलाई बैंकमा घण्टौँ लाइन बस्नुपर्ने अवस्थाको अन्त्य गर्न वडाबाटै सामाजिक सुरक्षा भत्ता वितरण गरिएको हो ।” आगामी दिनमा समेत भीमदत्त नगरपालिका, वडा नं. ९ को सम्पूर्ण सामाजिक सुरक्षा भत्ता वडा स्तर बाटै सहज रुपमा वितरण गर्ने समेत बिष्टले बताए ।
वडाबाटै भत्ता वितरण शुरु भएपछि आफूलाई निकै राहत मिलेको र बैंकमा दिनभर लाइन बस्नुपर्ने बाध्यता हटेको लाभग्राहीहरुले बताउछन् ।