कार्तिक ०२, कञ्चनपुर । कञ्चनपुरमा भाइरल रोडका नामले परिचित ६ लेन कालोपत्रे सडकमा महाकाली नदीले कटान गर्न थालेको छ।
महाकाली पुल आयोजना भित्रको उक्त रोड बाढिले कटान गर्न थालेको र महाकाली नदीमा पानीको बहाव कम नभए कालोपत्रे सडक पुरै कटान हुन सक्ने जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सिद्धराज न्यौपानेले बताए।
पुल आयोजनादेखि करिब दुई सय मिटर उत्तरतर्फ रहेको बैजनाथ मन्दिर क्षेत्रमा रोड कटान सुरु भएको बताइएको छ।
