असोज ३०, कन्चनपुर । बडादसैंको टीकाको दोस्रो दिन आज पनि मान्यजनबाट टीका र आशिर्वाद ग्रहण गरिँदैछ । विजयाशमी अर्थात् दसैंको टीकाको मुख्य दिन शुक्रबार नै भए पनि कोजाग्रत पूर्णिमासम्म टीका र जमरा लगाउने चलन छ ।
विजया दशमीको दिनमा टीका लगाउन छुटेकाहरूले आज आफन्तजनसँग भेटघाट गर्दै टीका थापेर आर्शिवाद लिने गर्छन् ।
विजयादशमीको दिन पुग्न नभ्याएका मान्यजनको घरमा गएर टीका थाप्न जाने प्रचलन छ । कतिपय स्थानमा भने विजयादशमीको दिनमात्रै टीका लगाउने चलन पनि छ ।
कोरोना भाइरसको जोखिम कायमै रहेकाले विगतका वर्षहरुको जस्तो चहलपहल भने देखिदैन ।
घटस्थापनाका दिन दसैं घरमा विधिपूर्वक स्थापना गरी दुर्गा भवानीको पूजा–आराधना गरेर उमारिएको जमरा तथा प्रसाद पूर्णिमासम्म नै लगाउने गरिन्छ ।
