असोज २६, मुगु । मुगु बस दुर्घटनामा मृत्यु हुनेको संख्या २८ पुगेको छ । दुर्घटनामा घाइते १६ जनाको उद्दार गरिएको छ । ३ जनाको हेलिकप्टरबाट र १२ जनाको जहाजबाट उद्दार गरी नेपालगन्ज लगिएको छ । घाइते एकजना बालिकाको जिल्ला अस्पताल मुगुमा उपचार भइरहेको छ । बसमा ४० जना यात्रु सवार थिए ।
नेपालगन्जबाट मुगु सदरमुकाम गमगढी जाँदै गरेको भे १ ख ३१६७ नम्बरको बस मंगलबार दिउँसो २ बजेतिर दुर्घटना भएको हो । अप्ठ्यारो भिरालो बाटोका कारण दुर्घटना भएको प्रारम्भिक अनुसन्धानले देखाएको प्रहरीले जनाएको छ । २८ जनाको मृत्यु भएको र मृतकहरुको सनाखतको काम चलिरहेको छ । घटनास्थल सदरमुकाम गमगढीबाट झण्डै तीन घण्टाको दूरीमा रहेको छ ।
