आज संस्कृत दिवस

 भदौ ६, काठमाडौँ: नेपालमा चौथो संस्कृत दिवस विभिन्न कार्यक्रम आयोजना गरी आइतबार मनाइँदैछ । श्रावण शुक्ल पूर्णिमा (ऋषि तर्पणी)को अवसर पारेर संस्कृत दिवस मनाइने भएको हो । नेपालमा जरो किलो प्रतिष्ठान नेपालको आह्वानमा २०७५ सालदेखि संस्कृत दिवस मनाउन थालिएको हो ।

प्रतिष्ठानका संस्थापक अध्यक्ष तथा सङ्कल्पकर्ता काठमाडौँ विश्वविद्यालयका सहप्राध्यापक डा. निर्मलमणि अधिकारीले गुरुकूल शिक्षामा शैक्षिक सत्रको प्रारम्भ ऋषि तर्पणीको दिन गरिने भएकोले यही दिनमा नै संस्कृत दिवस मनाउन प्रारम्भ गरिएको जानकारी दिनुभयो । वेद सबैभन्दा पहिले ऋषिहरूले ध्यानको क्रममा देखेकोले ऋषि तर्पणीको दिन संस्कृत दिवस मनाउन थालिएको हो ।

संस्कृत भाषाको विश्वव्यापी प्रवद्र्धन तथा नेपालको समेत प्रचारप्रसार गर्ने उद्देश्यले संस्कृत दिवस मनाउन थालिएको जनाइएको छ । त्रिभुवन विश्वविद्यालय, नेपाल संस्कृत विश्वविद्यालय, जयतु संस्कृतम्, त्रि–चन्द्र कलेजअन्तर्गतको दर्शन शास्त्र तथा मनोविज्ञान विभागलगायतका देश विदेशका विभिन्न संस्थाको सहकार्यमा भौतिक रूपमा नै संस्कृत दिवस मनाउन लागिएको जनाइएको छ ।

संस्कृत विषयको उच्च शिक्षाको पठनपाठन हुने राजधानीको वाल्मीकि विद्यापीठमा यो दिवस मनाउने गरी तय गरिएको छ । प्रतिष्ठानका पूर्वअध्यक्ष डा. अधिकारीले नेपालका साथै भारत, अमेरिका, बेलायत, अस्ट्रेलिया, इजरायल, दक्षिण कोरिया, कतारलगायतका देशमा समेत संस्कृत दिवस मनाउने कार्यक्रम तय भएको जानकारी दिनुभयो । संस्कृतलाई सबैभन्दा पुरानो भाषाका रूपमा लिइन्छ ।

ताजा खबर

उत्कृष्ट खेलाडीलाई मदन चन्दद्वारा ट्र्याकसुट वितरण

कञ्चनपुर, १५ कार्तिक  कञ्चनपुर को भीमदत्त नगरपालिका–७ हल्दुखालमा आयोजित खुला...

कांग्रेस महाधिवेशन प्रतिनिधिमा राधा ओझाको निर्विरोध यात्रा, आगामी यात्राका लागी पार्टीसँग परामर्श गर्ने

महेन्द्रनगर । बैतडीको मेलौली नगरपालिकाकी निवर्तमान उपप्रमुख राधा ओझा...

अन्तर्राष्ट्रिय कराते च्याम्पियनसिपमा भाग लिन नेपाली खेलाडी भारत प्रस्थान

कञ्चनपुर, ६ कार्तिक भारतको नोएडामा आयोजना हुने दोस्रो ओकिनावा...

Website developed by:

spot_img

छुटाउनु भयो कि ?