अपि हिमाल गाउँपालिकामा पाक्न थाले स्याउ

३२ साउन  दार्चुला ।

दार्चुलाको अपि हिमाल गाउँपालिकामा स्याउ पाक्न थालेको छ । गाउँपालिकाका विभिन्न क्षेत्रमा लगाइएको स्याउपाक्न थालेको यस क्षेत्रका  स्याउ किसानहरुले बताएका छन । गत वर्ष लगाइएको इटाली गाला र फुजी जातको स्याउ फल्न थालेको हो । तर अपि हिमाल गाउँपालिकामा उत्पादन भएको स्याउ बजारमा  भने देखिएको छैन । किसानले अघि पाक्ने स्याउ टिप्न सुरु गरेको जनाएका छन् । पछौटे स्याउ पनि पाक्ने क्रम बढ्दै गएको किसानले बताएका छन् । अपि हिमाल गाउँपालिका वडा नम्बर ३ पाथीका स्याउ किसान जनक कार्कीका अनुसार दिन प्रतिदिन अहिले अपि हिमालको स्याउले रङ बढिरहेको बताए ।

जति बढी रङ आयो त्यति नै बढी रसिलो र मीठा हुँदै जाने उहाँको भनाइ छ । अपि हिमालको स्याउ अगामी भाद्रको दोस्रो हप्ताबाट टिप्न सुरु गरिने बताइएको छ । यस वर्ष स्याउमा फल कम लागेका कारण किसानलाई ठूलो घाटासमेत हुने भएको छ । गाउँपालिकाको आधाभन्दा बढी क्षेत्रमा स्याउ फुल्ने समयमा असिनापानी परेपछि फल नलागेको किसान कार्कीले जानकारी दिनु भयो ।

उहाँका अनुसार असिनाका कारण स्याउ खेतिमा पारेको प्रभावले यो वर्ष ७० देखि ८० प्रतिशत स्याउ उत्पादनमा कमि आउने आकंलन गरिएको छ ।जिल्लाको अपिहिमाल गाउँपालिकाको वडा नम्बर ३ पाथी क्षेत्रमा मात्रै किसानहरुले २ सय रोपनी क्षेत्रफलमा स्याउ खेति विस्तार गरेको जनाएका छन । गाउँपालिकाको थुम्ती देखि घार्जिर सम्म स्याउखेति हुने गरेको छ ।  गाउँपालिकाको वडा नम्बर १ ३ ४ र ५ नम्बर वडामा स्याउ खेति विस्तार गरिएको पाइएको छ ।

सारथी खबर बाट शाभार

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?