बैतडीको पाटन पञ्चेश्वर सडकमा काम गर्ने मजदुरले ज्याला नपाएको

कञ्चनपुरः- सुदूरपश्चिम सरकारको भौतिक पूर्वाधार विकास मन्त्रालयले बैतडीको एक सडकमा काम गर्ने मजदुरहरुलाई २ वर्षसम्म ज्याला नदिएको पाइएको छ।
जिल्लाको पाटन पञ्चेश्वर सडकमा काम गर्ने मजदुरहरुलाई २ वर्षदेखि ज्याला नदिएर काम गराइएको तथ्य बाहिरिएको हो। सुदूरपश्चिम प्रदेश सभाको ८ औंं अधिवेसनका १० बैठकको विशेषमा बोल्दै प्रदेश सभा सदस्य प्रेमप्रकाश भट्टले सो सडकमा काम गर्ने मजदुरलाई ज्याला नदिएको कुरा उठान गरेका हुन्।
उनले भने, “बैतडीको पाटन पञ्चेश्वर सडकमा भौतिक पूर्वाधार विकास मन्त्री पठानसिंह बोहरा हुँदादेखि १२/१३ जना मजदुर कार्यरत छन्। तिमीहरु काम गर्दै गर, हामी पैसा दिदै गछौंं भनेका रहेछन्। तर अझै दिइएको छैन। उहाँहरुको ज्याला दिइनुपर्छ।”