कञ्चनपुरका युवालाई बन्दाबन्दीले डोर्‍यायो च्याउखेतीतर्फ

महेन्द्रनगर । कञ्चनपुरको बेलौरी नगरपालिका–३ का शिवु राना गत फागुनमा मलेसियाबाट घर बिदामा आए । वैदेशिक रोजगारीका सिलसिलामा पाँच वर्ष मलेसिया बिताएर बिदामा आएको केही समयपछि कोरोना भाइरस संक्रमणले मुलुकमा बन्दाबन्दी भएपछि रानाको मलेसिया जाने सोच सफल हुन सकेन् ।

गत चैतको दोस्रो सातादेखि यहाँ बन्दाबन्दी गरिएपछि घर खर्च चलाउने चिन्ताले केही समय गाउँमै भौँतारिएका रानाले गत भदौदेखि च्याउखेती थालेका छन् । “रु ४० हजार लगानी गरेर घरमै च्याउखेती गरेका थिए, अहिले रु ८० हजार कमाइसकेको छु”, रानाले भने, “च्याउखेतीको तालीम लिएर अहिले गोब्रे च्याउखेती गरेको छु ।”

आफ्नै भूमिमा आयमूलक काममा लाग्ने प्रण गरेपछि च्याउखेती थालेका राना आफू सन्तुष्ट रहेको बताए। “कोरोना प्रभावित र गाम्रीण बस्तीसम्म सरकारको कृषि अनुदानको रकम पुग्नसके यहाँ स्वदेशी उत्पादन जे पनि गर्न सकिन्छ”, उनले भने, “प्रदेश सरकारले पनि कोरोना प्रभावित युवालाई स्वरोजगार बनाउन आवेदन दिए पनि गाउँमा त्यसबारे जानकारी नै भएन ।”

त्यसैगरी बेलौरी नगरपालिका–३ का वडाध्यक्ष नेत्रराज गिरीले गाउँमा तरकारीखेती, च्याउखेती र विभिन्न आयमूलक काममा युवाको आर्कषण बढिरहेको बताए । “तरकारी फलाएर यहाँ धेरैले घरको जीविका आनन्दले चलाएका छन्”, वडाध्यक्ष गिरीले भने, “यहाँ उत्पादित बस्तुभाउ बजारसम्म पु¥याउन सवारीसाधनको समस्या देखिएको छ ।”

उनले आयमूलक काममा अग्रसर हुनेलाई वडा र नगरपालिकाबाट पनि विभिन्न अनुदान प्रदान भइरहेको बताए । त्यसैगरी गाउँकै रामबहादुर चौधरीले तरकारीखेतीबाट मनग्य आम्दानी गरिरहेका छन् । “स्थानीयस्तरका साथै महेन्द्रनगर, अत्तरीया र धनगढीसम्म यहाँबाट तरकारी खपत हुन्छ”, चौधरीले भने, “यहाँका किसानलाई दातृ निकायबाट प्राविधिक जनशक्ति उपलब्ध हुँदा सहज पनि भएको छ ।”

त्यस्तै यहाँको शुक्लाफाँटा नगरपालिका–१ का राजेन्द्र चौधरी दुई वर्षपछि मलेसियाबाट फर्किएर गाउँमा किराना पसल सञ्चालन गरिरहेका छन् । कोरोनाका कारण रोजगार गुमेपछि घर फर्किएका चौधरीले गाउँमा थोरै लगानीमा पसल सञ्चालन गरेको बताउँदै आफू व्यापारमा जमेर लाग्ने योजनामा रहेको जानकारी दिए । “विदेशमा गर्ने मेहनत यहाँ गरे जे पनि काम गर्दा मुनाफा नै हुन्छ”, उनले भने, “स्वदेशमा स्वरोजगारका लागि प्रयासरत युवालाई सरकारले पनि प्रोत्साहन गर्नुपर्छ ।”

कृषि ज्ञान केन्द्र कञ्चनपुरका प्राविधिक सहायक जनकबहादुर सिंहले कृषि क्षेत्रमा कोरोना प्रभावित बढिरहेको बताए । “तरकारीखेती, पशुपालनलगायतका काममा अनुदानका लागि पनि आइरहेका छन्”, उनले भने, “प्रदेश सरकारबाट कोरोना प्रभावित तथा युवा लक्षित कार्यक्रमअन्तर्गत सहयोग भइरहेको छ ।” कार्यविधिअनुसार कृषितर्फ प्रभावित युवालाई रु ३० हजार अनुदान सहयोग प्रदान भइरहेको सिंले बताए । “प्रभावित ८ सय युवाले पहिलो चरणमा आवेदन दिए पनि छनोट गर्दै जाँदा प्रक्रिया पूरा गरेका सय जनालाई छनोट गरिएको हो”, उनले भने, “फेरि पनि प्रभावित प्रक्रिया पूरा गरेर कागजात पेश गरे केही सम्बोधन गर्नसक्ने भनिएको छ ।” रासस

ताजा खबर

महेन्द्रनगरमा फागुन १ देखि सुदूरपश्चिम प्रदेश स्तरिय औद्योगिक व्यापार मेला हुने,

महेन्द्रनगर–महेन्द्रनगरमा सुदूरपश्चिम प्रदेशस्तरिय औद्योगिक व्यापार मेला तथा कञ्चनपुर पर्यटजन...

क्टरको लाइसेन्स परीक्षामा ५३ प्रतिशत फेल

१५ माघ, काठमाडौं । चिकित्सकहरुको नाम दर्ता प्रमाणपत्र (लाइसेन्स)...

चितवन–२ मा उपनिर्वाचन

काठमाडौँ, माघ १४ गते । सर्वोच्च अदालतले उपप्रधानमन्त्री तथा...

सुदूरपश्चिमबाट राष्ट्रिय गौरवका आयोजनाको निरीक्षण सुरु गर्ने प्रधानमन्त्रीको तयारी

कञ्चनपुर। प्रधानमन्त्री पुष्पकमल दाहाल (प्रचण्ड)ले सुदूरपश्चिमबाट राष्ट्रिय गौरवका आयोजनाको...

रास्वपाको कार्यवाहक सभापति र संसदीय दलको नेतामा डीपी अर्याल

काठमाडौं । राष्ट्रिय स्वतन्त्र पार्टीले डोलप्रसाद (डिपी) अर्याललाई कार्यवाहक...

Website developed by:

spot_img

छुटाउनु भयो कि ?