महेन्द्रनगर । कैलालीको लम्कीचुहा नगरपालीकालाई लायन्स क्लब अफ लम्कीले निशुल्क एम्बुलेन्स सेवा उपलब्ध गराएको छ ।
शुक्रवार एक कार्यक्रमका बिच क्लबका अध्यक्ष लायन्स प्रविण पौडेलले नगर प्रमुख महादेव बजगाई संग लिखित सम्झौता गरी २ महिनाका लागी क्लबको नाममा रहेको से १ च १४०९ नम्बरको एम्बुलेन्स निशुल्क हस्तान्त्रण गरेका हुन् ।
विश्व महामारीको रुपमा फैलीरहेको कोरोना भाइरस विरुद्ध लड्न तथा नगरपालीकाद्धारा सञ्चालित कोरोना न्यूनिकरण अभियानमा टेवा पुगो भन्ने उद्देश्यले लायन्स क्लब अफ लम्कीले २ महिनाका लागी निशुल्क एम्बुलेन्स उपलब्ध गराएको अध्यक्ष पौडेलले बताए ।
लायन्सको उत्त कार्यप्रति नगरप्रमुख बजगाईले हार्दिक आभार प्रकट गर्दै धन्यवाद व्यक्त गरेका छन् । लायन्स क्लब अफ लम्कीले निरन्तर यस्ता सामाजिक कार्य गर्दै आएको छ ।
