महेन्द्रनगर । सरकार गठनको दुई वर्ष पूरा भएको अवसरमा शनिबार बसेको प्रतिनिधिसभा बैठकमा प्रमुख प्रतिपक्षी दल नेपाली कांग्रेसका सांसद दिलेद्र बडुले सिमा विवाद बारे गरेका प्रश्नमा प्रधानमन्त्री ओलीले प्र्रश्नको जवाफ फर्काएका छन् ।
कांगे्रस सांसद बडुले प्रतिनिधिसभा बैठकमा प्रधानमन्त्रीलाई ‘सीमा विवादबारे प्रधानमन्त्री स्तरीय वार्ता कहिले हुन्छ ? नेपाली भूमी लिपुलेक, लिम्पियाधुरा तथा कालापनी समेटिएको नक्सा कहीले जारी हुन्छ ? कालापानी क्षेत्रमा सुरक्षा चौकी कहिले सम्म स्थापना हुन्छन् ? लगायतका प्रश्न गरेका थिए ।
बडुको उक्त प्रश्नको जवाफ फर्काउदै प्रधानमन्त्रीले यस्तो भने ‘सीमा विवादबारे भनिसके कि नेपालको भूभाग नेपालले छोड्दैन । अहिले खासगरी उठेको प्रश्न कालीनदीको मुहानको बारेमा, लिम्पियाधुरा, कालापानी र लिपुलेकको बारेमा तथ्य प्रमाणहरुले यी क्षेत्रहरु नेपालको हुन भनेर देखाएको छ । र ति भूभाग फिर्ता लिन हामी कुटनितिक प्रयास गरीरहेका छौ । यो फलानो दिन वार्ता गर्छु भनेर एकतर्फी भन्ने कुरा होइन,दुईतर्फी सहमतीका साथ वार्ताको माध्यमबाट यस समस्याको समाधान गरीनेछ,’ ओलीले भने,‘मान्यजीहरुले र देशले नै अनुभुत गरेको होला अहिलेको सरकार सार्वभौम समानताका आधारमा वार्ता गर्ने प्रश्नमा, राष्ट्रियताको सवालमा राष्ट्रको सार्वभौमसत्ता, स्वाधिनता, भौगोलीक अखण्डता र राष्ट्रिय हितमा कुनै अनुचित सम्झौता गर्दैन त्यसमा स्पष्ट हुन आग्रह गर्दछु ।’ प्रधानमन्त्री ओलीले थपे ‘हामी भूभाग नै फिर्ता ल्याउने तयारीमा छौ, भने नक्सा छाप्ने कुरा त के भयो र ? नक्सा त तुरुन्त छाफिन्छ । सीमा चौकीको सम्बन्धमा ससस्त्र प्रहरीको बिओपी स्थापना गर्ने,त्यो काम भैरहेको छ ।’
