कञ्चनपुर ०६ भदौ ।
राष्ट्रिय प्रजातन्त्र पार्टी कञ्चनपुरले नवनिर्वाचित शुक्लाफाँटा नगरपालिका राप्रपा नगर कमिटि अध्यक्ष तपेन्द्र बिष्टलाई सम्मान गरेको छ ।
शुक्रबार राप्रपा जिल्ला कञ्चनपुरको नियमित मासिक बैठकमा तेस्रो नगर अधिवेशनबाट नवनिर्वाचित बिष्टलाई कञ्चनपुर जिल्ला अध्यक्ष गजेन्द्र बहादुर चन्दले सम्मान गरेकोे हो ।
जिल्लामा रहेका दुई गाउँपालिका र ७ नगरपालिका मध्ये शुक्लाफाँटा नगरपालिकामा राप्रपाको पहिलो वडा कमिटि र नगर कमिटि गठन सम्पन्न गर्ने पहिलो नगर रहेको जिल्ला अध्यक्ष चन्दले बताए ।
यसैगरी अन्य केहि गाउँ÷नगर पालिकाहरुमा रहेका वडा र नगर संगै क्षेत्र र जिल्ला कमिटि केन्द्रिय निर्देशित समय तालिका भित्र सम्पन्न गर्नमा वडा देखि केन्द्र सम्मका सबैले सहयोग गर्नुपर्ने अध्यक्ष चन्दले अनुरोध गरेका थिए ।
