महेन्द्रनगर । बाजुरा पहिरोमा पुरिएर एक बालकको मृत्यु भएको छ ।
जिल्लाको गौमुल गाउँपालिका–५ स्थित गुवानीमा पहिरोमा पुरिएर वडा नम्बर ४ डाँडाबाडाका १२ वर्षिय अनिश विकको मृत्यु भएको छ ।
‘अनिश र उनका बाजे ६० वर्षिय भिके विक वडा नम्बर ५ मा पर्ने गुवानी जंगलमा खर्क बनाएर बसेका थिए ।’ गौमुल गाउँपालिका–४ का वडाध्यक्ष हरि बहादुर रोकायाले भने ‘गएराती खर्कको माथीबाट पहिरो खस्दा बालाकको मृत्यु भएको छ भने उनका बाजे भिके गम्भीर घाइते भएका छन् ।’
वडाध्यक्ष रोकायाका अनुसार अनिश र भिके वडा नम्बर ४ का हुन् ।
उनिहरु पशुचौपाया सहित वडा नम्बर ५ मा पर्ने गुवानी जंगलमा खर्कमा बसेका थिए ।
पहिरोमा परेर ४ बाख्रा पनि मरेका वडाध्यक्ष रोकायाले जानकारी दिए ।फाइल फोटो
