महेन्द्रनगर । लगातारको अविरल वर्षाका कारण ढलेको कञ्चनपुरको बेलौरी नगरपालिका–२ बैजुडाडास्थित नेपाल–भारत सीमा स्तम्भको जनबाहिनी नेपालले निरीक्षण तथा अनुगमन गरेको छ ।
विहिबार जनबाहिनी नेपालका संयोजक शिरोमणी ओझा सहितको टोलीले ढलेको उत्त पिल्लरको अनुगमन गरेका हुन् ।
लगातारको अबिरल वर्षाका कारण गत मंगलबार १२ बजेतिर बैजुडाडास्थित रहेको नेपाल–भारत २०७ नम्बर पिल्लर ढलेको थियो ।
स्थलगत अनुगमन गरेका संयोजक ओझाले सीमा सुरक्षाका विषयमा सरकार गम्भिर नभएकोले मर्मत हुन नसकेका सीमास्तम्भ ढल्ने गरेको आरोप लगाए ।
उनले भने ‘आज हामीले स्थलगत अनुगमन गर्नुका साथै ढलेको सीमास्तम्भ मर्मतका लागि सम्बन्धित निकायको ध्यानाकर्षण पनि गराएका छौ ।’
लामो समयदेखि सीमास्तम्भ बाँगिएर जिर्ण हुँदासमेत सम्बन्धित निकायको वेवास्ताका कारण सीमास्तम्भ ढलेको उनले बताए ।
उनकाअनुसार कञ्चनपुरको दक्षिणी क्षेत्रमा भारतीय पक्षले कैयौं स्थानमा सीमास्तम्भ गायव पार्ने र नक्कली स्तम्भ गाडेर सीमा अतिक्रमण गर्दै आएकोे छ ।
कंचनपुर बेलौरी नगरपालिका वा.न.२ बैजुडाडा २०७ सिमास्तम्भ तत्काल पुनर्निर्माण गरियोस् ।
Gepostet von Shiromani Ojha am Donnerstag, 9. Juli 2020
