महेन्द्रनगर । कञ्चनपुरको भीमदत्त नगरपालीका वडा नम्बर १२ को वडा कार्यालय भवनको निर्माण कार्य शुरु भएको छ ।
शनिवार भीमदत्त नगरपालीकाका नगर प्रमुख सुरेन्द्र विष्टले भवनको शिलन्यास गरेका छन् ।
सुदूरपश्चिम प्रदेश सरकारको एक करोड सहयोगमा भीमदत्त नगरपालीका–१२ ऐरी घाटमा निर्माण हुने वडा कार्यालय भवनको निर्माण कार्य शुरु भएको वडाध्यक्ष कृष्ण देउपाले बताए ।
उनले भने ‘निर्माण कार्य शुरु भएको छ र हामीले २ वर्ष भित्र भवन निर्माण गरी सक्ने लक्ष्य राखेका छौ ।’
एक करोड लागतमा निर्माण हुने उत्त भवनमा दुई तला, ८ कोठा र शैचालय रहने वडाध्यक्ष देउपाले बताए ।
