सांसदले परिवारका सदस्यलाई पिए, भान्से, चालकमा नराख्ने नेता राजेन्द्र रावलले पहिल्यै अपनाएको बाटोमा एमाले

कञ्चनपुर, ०८ असोज ।
पार्टीका सांसदले परिवारका सदस्यलाई पिए, भान्से, चालक अथवा सचिवालयमा राख्ने एमाले नेता राजेन्द्र सिह रावलले पहिल्यै अभ्यास गरिसकेको नीति, कार्यक्रम अहिले एमालेले अपनाउन लागेको छ ।
राजनीति गर्न कार्यकर्ता, चुनाव जित्न जनता चाहिने तर, त्यही चुनाव जितेपछि नेताहरुले आफन्तलाई पिएदेखिका सचिवालयमा राख्ने संस्कार थियो । सो संस्कार चिर्दै एमाले पोलिट्ब्युरो सदस्य समेत रहका एमाले सुप प्रदेश संसदीय दलका नेता रावलले अपनाएकै मार्गमा एमाले सुप प्रदेश ढिलै भएपनि जान खोजेको छ । पुर्वमुख्यमन्त्री समेत रहेका रावलले आफ्नो सचिवालयमा घरमा मान्छे राखेका छैनन ।
नेकपा एमाले सुदूरपश्चिम प्रदेश संसदीय दलमा मन्त्री र सांसदले सचिवालयमा परिवारका सदस्यलाई नराख्ने प्रस्ताव गरिएको छ ।मंगलबार बसेको संसदीय दलको बैठकमा पूर्व मुख्यमन्त्री समेत रहेका दल नेता राजेन्द्र सिंह रावलले मन्त्री र सांसदले सचिवालयमा परिवारका सदस्य नराख्ने प्रस्ताव गरेका हुन् ।
रावलले सचिवालयमा परिवार तथा नातेदारलाई नियुक्त गरेकाहरुले समेत नियुक्ति खारेज गर्नुपर्ने कुरा बैठकमा राखेका थिए । खासगरी अहिले प्रदेशका कतिपय मन्त्रीले स्वकीय सचिव, सवारी चालक र भान्सेमा परिवारकै सदस्य तथा नातेदार राखेका छन् ।उक्त कुरालाई लिएर आलोचना हुने गरेको छ । ‘दलका नेता कमरेडले बैठकमा मन्त्री र सांसदले निजी सचिवालयमा परिवारका सदस्य नराख्ने र राखेकाहरुले पनि तत्काल हटाउनुपर्ने प्रस्ताव गर्नुभएको छ,’ बैठकमा सहभागी एक सांसदले भने, ‘उहाँको प्रस्तावमा सबै जना सकारात्मक देखिनुभएको छ । परिवार र नजिकका नातेदारको ठाउँमा पार्टीकै कुुनै भूमिकामा भएको दक्ष व्यक्तिलाई जिम्मेवारी दिनु राम्रो कुरा हो ।’ सांसदहरु जिल्लामा पुगेर त्यहाँ भएको क्षतिको बारेमा अध्ययन गरेर प्रतिवेदन बनाउने निर्णय पनि गरिएको छ । बैठकले जेनजी आन्दोलनको क्रममा भएको तोडफोड, आगजनी र लुटपाटको छानबिन गर्न संसदीय समिति बनाउने निर्णय गरेको छ भने सबै सांसदहरुलाई जिल्ला केन्द्रीत हुन निर्देशन दिएको छ ।