केशव थापा
कञ्चनपुर, २४ भदौँ
भ्रष्टाचार बिरुद्ध जेनजी युवा विद्यार्थीले अघि सारेको आन्दोलनका क्रममा दर्जनौँ मानिसको हत्या र हजारौँ घाईते भएपछि त्यस बिरुद्धमा कञ्चनपुरमा चर्किएको आन्दोलन पक्षधरले निर्वतमान गृहमन्त्री रमेश लेखकका दुई घरमा तोडफोड एव आगजनी गरेका छन ।
कञ्चनपुरका जेनजी समुहका युवा विद्यार्थीले निर्वतमान गृहमन्त्री लेखकको भीमदत्त नगरपालिका ४ महेन्द्रनगर र बेदकोट नगरपालिका ८ गैलनदी घर,गोठ जलाएर स्वाहा पारेका छन । आन्दोलनकारीले हत्यारा गृहमन्त्री लेखकले राजिनामा दिएर मात्रै केही हुँदैन, मान्छे हत्याको आरोपमा कार्बाहीको माग अघि सारेर आन्दोलन गरिरहेका छन ।
