कञ्चनपुर, १३ साउन ।
कञ्चनपुरकोे एक क्याम्पसले जिल्लाको उत्तरी भेग तिलाचौर भम्केनी धाममा निर्माण हुने नेपाल आमाको मूर्ति बनाउनका लागि आर्थिक सहयोग गरेकोे छ । भीमदत्त नगरपालिका १० जिमुवाको नेपाल आमाको मूर्ति बनाउन दानेश्वर हरी बहुमुखी क्याम्पसले आर्थिक सहयोग गरेको हो । दानेश्वर हरी बहुमुखी क्याम्पसका अध्यक्ष कृष्ण भट्टले भम्केनी धामका सरक्षण जगत गुरुलाई २५ हजार २५रुपैया बराबरको चेक हस्तान्तरण गरेको बताए । उनका अनुसार गत माघमा संचालन गरेको महायज्ञबाट संकलन भएको रकम भम्केनी धामलाई सहयोग गरिएको छ ।
