कञ्चनपुर, साउन ७
नेपाल प्रहरीका एक प्रहरी अधिकृत उत्कृष्ट प्रहरी पुरस्कृत भएका छन । मधेश प्रदेशको पर्सा जिल्लामा कार्यरत प्रहरी निरीक्षक(ईन्सपेक्टर) लोकराज भट्ट असार महिना उत्कृष्ट प्रहरी पुरस्कृत भएका हुन । जिल्ला ट्राफिक प्रहरी कार्यालय पर्साका प्रमुख इन्चार्ज प्रहरी निरीक्षक भट्ट असार महिना ०८२को उत्कृष्ट ट्राफिक प्रहरी घोषित भएको जनाएको छ । प्रहरी निरीक्षक भट्टले जिल्लाभको ट्राफिक व्यवस्थापनमा देखाएको सक्रियता, अनुशासन र कामकारबाहीमा पनि प्रभावकारिता , ट्राफिक व्यवस्थापन, ह्यान्डलिङ, आकस्मिक परिस्थितिमा चाँडो निर्णय क्षमता, जनसम्पर्क, सहकार्य र प्रभावकारी नेतृत्वद्वारा विशेष पहिचान बनाउन सफल भएको जनाईएको छ । जिल्ला ट्राफिक प्रहरी कार्यालय पर्सा तथा मातहतसमेतमा उत्कृष्ट ट्राफिक व्यवस्थापन सकिएको आर्थिक वर्ष ०८१÷८२ मा विगतको आर्थिक वर्षको तुलनामा मधेश प्रदेशअन्तर्गतका आठवटै जिल्ला ट्राफिक प्रहरी कार्यालयमध्ये जिल्ला ट्राफिक प्रहरी कार्यालय वीरगन्ज पर्साले उच्च अंकमा राजस्व संकलन गर्नेमध्ये परेको प्रमाणपत्रमा उल्लेख गरिएको छ । आफ्ना जिम्मेवारीहरू कुशलतापूर्वक निर्वाह गर्दै वीरगन्जको जटिल ट्राफिक व्यवस्थापनलाई सहज बनाउन उल्लेखनीय योगदान पु¥याउँदै आएका छन । उनलाई नगद एक हजार तीन सय सहित प्रमाण पत्र पुरस्कार पनि प्रदान गरिएको छ । नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, पथलैया बाराका प्रमुख एसपी राजकुमार सिलवालले बताए । एसपी अनुसार नेपाल प्रहरीका अनुसार ट्राफिक व्यवस्थापनमा उत्कृष्ट कार्य सम्पादन गर्ने उद्देश्यले मासिक रूपमा उत्कृष्ट ट्राफिक प्रहरी घोषणा गरिएको छ । पुरस्कृत भएसंगै ईन्सपेक्टर लोकराज भट्टले उत्साह थपिएको जनाउँदै आगामी दिनमा कार्य सम्पादन झन प्रभावकारी बनाउने जिम्मेबारी आएको बताए । सुदूरपश्चिम कञ्चनपुरको महेन्द्रनगर घर भएका प्रहरी निरीक्षक भट्टले यस अघि विभिन्न प्रहरी यूनिटको जिम्मेबारी कुसलतापुर्वक निर्वाह गरेका थिए ।
