पप्पु गुरुङ्ग दोधारा २८ गते माघ । कञ्चनपुरको दोधारा चाँदनी नगरपालिकामा दुई महिने सिलाई कटानी तालिम सुरु भएको छ् । दोधारा चाँदनी नगरपालिका– २ वडा कार्यालयको सहयोग र सरस्वती सिकाई केन्द्र चाँदनीको आयोजनामा महिलाहरुलाई आत्मनिर्भर बनाउने उद्धेश्यले दुई महिने सिलाई कटाई तालिमको आयोजना गरिएको दोधारा चाँदनी नगरपालिका– २ का वडाध्यक्ष पदम रावलले जानकारी दिनुभएको छ् । तालिमको उद्घघाटन गर्दै दोधारा चाँदनी नगरपालिका– २ का वडाध्यक्ष पदम रावलले सिलाई कटाई तालिम जीवन उपयोगी हुने भएकोले दुई महिना सम्म लगनशीलताका साथ सिक्न सहभागीहरुलाई आग्रह गर्नुभयो । मानिसलाई सिपले स्वरोजगार बनाउने बताउदै मेहनतका साथ सिप सिके जिवनमा परिवर्तन हुने वडाध्यक्ष पदम रावलको भनाई रहेको छ् । श्रम र सिपले आय आर्जन गर्न सकिने भएकाले सिप हुने मानिस जहिले पनि समाजमा सम्मानित हुने उहाँको भनाई रहेको छ् । सोही कार्यक्रममा बोल्दै दोधारा चाँदनी नगरपालिका– ४ का वडाध्यक्ष भक्त बहादुर सुनारले तालिमका सहभागिताहरु आफैले छानेको तालिम भएकोले सहभागीताहरु स्वंयम केही गर्न सक्षम हुन सक्ने भन्दै तालिम सम्पन्न पश्चात आफै व्यवसाय गर्न आग्रह गर्नुभयो । तालिम लिए पश्चात महिला दिदीबहिनीहरु स्वरोजगार र आत्मनिर्भर बन्ने भएकाले यसले आर्थिक उपार्जनमा समेत महत्वपूर्ण योगदान पुर्याउने वडाध्यक्ष भक्त बहादुर सुनारले बताउनु भयो । आयोजक संस्था सरस्वती सिकाई केन्द्र चाँदनीका अध्यक्ष केशव अवस्थीको सभापतित्वमा संचालन भएको उद्धघाटन सत्रमा दोधारा चाँदनी नगरपालिका– २ का वडाध्यक्ष पदम रावल, वडा नं. ४ का वडाध्यक्ष भक्त बहादुर सुनार, पुर्व वडाध्यक्ष कमलापती भट्ट लगाएत सरस्वती सिकाई केन्द्र चाँदनीका पदाधिकारी, तालिममा सहभागीहरुको उपस्थिती रहेको थियो । तालिममा ४० जना महिलाहरुको सहभागिता रहेको आयोजक संस्थाले जनाएको छ् ।
