काँग्रेस महाधिवेशन प्रदेशमा एनपी साउद पक्षको खाता खुल्यो कञ्चनपुर क्षेत्र २(क)मा एनपी प्यानल निर्वाचित

कञ्चनपुर, ३ मंसिर
नेपाली काँग्रेसको आशन्न १४औँ महाधिवेशन अन्र्तरगत कञ्चनपुर क्षेत्र नम्बर २(क)मा एनपी साउद प्यानल निर्वाचित भएको छ । एनपी साउद प्यानका तर्फबाट झकर बहादुर खडका(पुरन) नेतृत्वको प्यानल निर्वाचित भएको हो । खडकाले रमेश लेखक प्यानलका गणेश पाण्डेलाई ५८मतको अन्तरले हराउँदै प्रदेश सभापतिमा चयन भएका हुन । खडकाले १३५ र पाण्डेले ७७ मत ल्याएका थिए । यस्तै एनपी प्यानलकै उपसभापतिमा मिन बहादुर विष्ट, उत्तमराज विष्ट, सचिव नवराज पन्त, लाल बहादुर धामी, सहसचिवमा गणेश धामी, धर्मदेव राना निर्वाचित भएका छन । काँग्रेस क्षेत्र नम्बर २का नेता दिल बहादुर देउवाले क्षेत्र नम्बर २(क)मा यो पक्ष उ पक्ष निर्वाचित भएको भन्दा पनि सबै काँग्रेसका नेता कार्यकर्ता निर्वाचित भएको बताए ।