कञ्चनपुर– कञ्चनपुरमा एक लाख ७१ हजार बराबरको अबैध सामान बरामद गरिएको छ। बेलौरी नगरपालिका वडा नम्बर ४ स्थित भन्सार छली चोरी पैठारी गरि ल्याएका मलखाद, पेयपदार्थ, बिजुलीका सामान र नम्बर प्लेट नभएको अपाची मोटरसाईकल गरी एक लाख ७१ हजार बराबरको अवैध समान बरामद गरिएको हो।
जिल्ला प्रहरी कार्यालय कञ्चनपुर तथा मातहतबाट खटिएको प्रहरी टोलीले भन्सार छली ल्याइएको सो अवैध सामान बरामद गरेको जिल्ला प्रहरी कार्यालय कञ्चनपुरले जनाएको छ।
प्रहरीका अनुसार सो सामानलाई आवश्यक कारवाहीका लागि भन्सार कार्यालय गड्डाचौकी पठाइएको छ।
