बैतडीको जुलाघाट नाकाबाट फर्केका ८ प्रतिशतमा कोरोना

बैतडीः भारतसंग सीमा जोडिएको बैतडीको जुलाघाट नाकाबाट फर्किएका ८ प्रतिशतमा नागरिकमा कोरोना संक्रमण पुस्टि भएको छ।
चैत्र १० गतेदेखि आइतबारसम्म १ हजार २ सय जनाको एन्टीजेन विधिबाट कोरोना परीक्षण गरिएकोमा ९८ जनामा संक्रमण पुष्टि भएको बताइएको छ।
गएको चैत १० गतेदेखि सीमा नाकामा हेल्थ डेस्क सञ्चालनमा आएको थियो। सो डेस्कमार्फत भारतबाट फर्किने प्रत्येक व्यक्तिको कोरोना परीक्षण गर्ने गरिएको हेल्थ डेस्कमा कार्यरत हेल्थ असिष्टेन्ट धर्म विकले बताए।
उनका अनुसार नाकाबाट फर्केका ८ प्रतिशत नागरिकमा कोरोना देखिएको छ। भारतबाट फर्केका नागरिकको कोरोना परीक्षण गरेर मात्रै गन्तव्यमा पठाउने गरिएको हेल्थ उनले बताए।
कोरोना परीक्षण गर्दा कोरोना पुष्टि भएकाहरुलाई आइसोलेसनमा राख्ने गरिएको उनले बताए।