महेन्द्रनगर ।
पुर्व–राजदुत डा.माया कुमारी शर्माले आफ्नो बुबाको सम्झनामा महेन्द्रनगर स्थित भृकुटी माध्यामिक विद्यालयमा अक्षय कोष स्थापना गरेकी छन् । भृकुटी माध्यामिक बिद्यालयकी पुर्व विद्यार्थी समेत रहेकी शर्माले सरस्वती पुजाको अवसरमा बुबाको सम्झनामा विद्यालयमा रु. एक लाखको अक्षय कोष स्थापना गरेकी हुन ।
एसईईमा उच्च अंक ल्याउने विद्यार्थीलाई अक्षयकोषबाट आउने व्याजबाट सम्मानित गरिने विद्यालयले जनाएको छ । यस्तै सरस्वती पुजाको अवसरमा विद्यालयका सेवा निवृत्त भएका दुई शिक्षकको बिदाई गरिएको छ ।
लामो समय शिक्षा क्षेत्रमा योगदान पु¥याएका प्रावि तहका शिक्षक पदम बहादुर ऐर र चन्द्रा भण्डारीका विदाई गरिएको छ । यस्तै नवआगन्तुक शिक्षक बबिता दाहाल र ईश्वरी विष्टलाई स्वागत समेत गरिएको छ ।
विद्यालय व्यवस्थापन समितिका अध्यक्ष सुशील कुमार भट्टको सभापतित्वमा भएको कार्यक्रममा भीनपा–४ का वडाध्यक्ष लक्ष्मी बोहरा प्रमुख अतिथि रहेका थिए ।
