महेन्द्रनगर । नेकपा निकट राष्ट्रिय युवा संघ नेपाल कञ्चनपुरको ईन्चार्जमा युवानेता तथा प्रखर वक्ता मिलन सिंह चयन भएका छन् । राष्ट्रिय युवा संघ नेपालको केन्द्रीय कमिटीले बिहिवार नेता सिंहलाई कञ्चनपुर ईन्चार्जको जिम्मेवारी दिएको हो ।
युवा संघ नेपालको केन्द्रीय सदस्य समेत रहेका युवा नेता सिंह एक दशक देखि राजनीतिमा सक्रिय रहेका छन् । अन्याय, अत्याचार, भ्रष्टाचार र जिल्लामा घटिरहने विभिन्न बेथिती बिरुद्ध युवा नेता सिंहले आवाज उठाउदै आएका छन् । सामाजिक सेवा संगै पिडित र बेसाहाराहरुको आवाज बुलन्द गर्ने प्रखर वक्ताका रुपमा समेत नेता सिंहलाई लिइन्छ ।
केन्द्रीय कमिटीले बिहिवार कञ्चनपुरका लागि ईन्चार्ज र सहईन्चार्जको जिम्मेवारी तोकेको हो । जसमा ईन्चार्ज सिंह संगै सह ईन्चार्जको जिम्मेवारी तत्कालिन वाइसिएलका नेता योगेश साउदले पाउनु भएको छ । आभाषकुञ्ज
