महेन्द्रनगर । सुदूरपश्चिम प्रदेशका मुख्यमन्त्री त्रिलोचन भट्टका सवारी चालकमा कोरोना संक्रमण पुष्टि भएको छ ।
धनगढी स्थित सेती प्रादेशिक अस्पतालको प्रयोगशालामा गरिएको परीक्षणमा मुख्यमन्त्री भट्टका सवारी चालकमा कोरोना पुष्टि भएको हो । संक्रमित मुख्यमन्त्रीको निवासको गाडी चलाउँदै आएका बताइएको छ ।
२३ वर्षीय ती पुरुषलाई हाल सेती प्रादेशिक अस्पतालको आइसोलेनमा राखिएको जनाइएको छ ।
सवारी चालकमा कोरोना देखिएपछि मुख्यमन्त्री भट्ट सेल्फ क्वारेन्टिनमा बसेका छन् । चालकमा कोरोना देखिएपछि मुख्यमन्त्री सेल्फ आईसोलेसनमा बस्नुभएको मुख्यमन्त्रीका स्वकीय सचिव शिव सिंह ओलीले बताए ।
उनले भने ‘चालकमा कोरोना देखिएपछि मुख्यमन्त्री सेल्फ आईसोलेसनमा बस्नुभएको छ । उहाँको स्वाब संकलन गरेर परीक्षण गर्ने तयारी भइरहेको छ ।’
