महेन्द्रनगर । कञ्चनपुरको कृष्णपुर नगरपालिकालाई निड्स नेपालले स्वास्थ्य सामाग्री हस्तान्त्रण गरेको छ ।
क्वारेन्टिन र आइसोलेसनमा रहेकाहरुको स्वास्थ्य सुरक्षाका लागि युनिसेफ, फुसिन र छायाँ नेपालसंगको साझेदारीमा निड्स नेपालले सोमबार नगरप्रमुख कर्ण बहादुर हमाललाई स्वास्थ्य तथा सुरक्षा सामाग्री हस्तान्तरण गरेको हो ।
संस्थाले सर्जिकल मास्क ७ सय थान, सेनिटाइजर १ सय बोतल, पीपीई सेट १५ थान, सर्जिकल ग्लब्स २ सय जोडा, ह्याण्डवास लिक्कुइड १ सय बोतल, हार्पिक र ब्रस २०/२० थान हस्तान्त्रण गरेको छ ।
यस्तै व्याड सिट १ सय थान, झुल सिङ्गल वेड १ सय थान, विद्युतीय पानी तताउने जग ३ थान, सेनिटरी प्याड ५० प्याकेट, महिलाको इनर वेयर ५० थान, व्लिचिङ पाउडर ५० किलो, हाइजिन कीट ३० थान, बाल्टीन र जग ३०/३० थान हस्तान्त्रण गरिएको निड्स नेपालका सह–कार्यकारी निर्देशक प्रकाश चन्द्र मडैले बताए ।
यस्तै नगरप्रमुख हमालले संस्थाले संकटको घडीमा गरेको सहयोग सराहनीय रहेको बताए ।
