महेन्द्रनगर । कञ्चनपुरको भीमदत्त नगरपालिका–१६ परखेडी स्थित नेपाली सेनाले निर्माण गरेको सरस्वती बाल उद्यान विद्यालयलाई हस्तान्त्रण गरिएको छ ।
जिल्ला स्थित शुक्लाफाँटा राष्ट्रिय निकुञ्जको सुरक्षामा खटिएको नेपाली सेनाको देवीदल गणले निर्माण गरेको उत्त बालउद्यान परखेडी स्थित सरस्वाती माध्यमिक विद्यालयलाई हस्तान्त्रण गएिको होे ।
शुक्रबार एक कार्यक्रमका बिच श्री सुदूरपश्चिम पृतनाका उपरथी निर्मलकुमार थापाले उत्त बालउद्यानको उद्धघाटन गर्दै विद्यालयलाई संचालन गर्ने गरि हस्तान्त्रण गरेका थिए ।
वाल उद्यान निमार्णमा सहयोग गर्ने स्थानिय सरकार तथा स्थानियको महत्वपुर्ण सहयोग रहेको भन्दै प्रशसंनिय कार्य भएको र आउँदा दिनमा सेनाले आम नागरिक माझ सहकार्य गरि थप कार्यक्रम गर्दै जाने देवीदल गणका गणपति राजु बस्न्यातले बताए ।
सेनाको समन्वयमा निमार्ण गर्ने भनिएको बालउद्यान निमार्ण सम्पन्न पछि हस्तान्तरण गर्दा गौरवान्वित भएकोे उनले बताए । उनले भने ‘ देवीदल गणले विगतमा यस्ता धेरै कार्य गरेको छ, तर बाल उद्यान निमार्ण कार्य भने अहिले सम्मकै ठूलो र पहिलो कार्यक्रम हो ।’ उनले थपे ‘ उत्त कार्य निर्माण सम्पन्न गरि हस्तान्त्रण गर्न पाउँदा खुशी लागेको छ ।’
सरस्वती माविको एक विगाहा जमिनमा देवीदल गणले कुइक इनप्याक्ट प्रोजेक्ट अन्तर्गतको २१ लाख ३५ हजार ७ सय र भीमदत्त नगरपालिकाको २० लाख आर्थिक सहयोगमा उत्त बालउद्यान निर्माण गरिएको गणपती बस्न्यातले बताए ।
बालउद्यानको निर्माण कार्य गत वर्ष साउन देखी सुरु गरिएको थियो ।
