महेन्द्रनगर । कञ्चनपुरको बेदकोट नगरपालिका–२ का वडाध्यक्ष नरेश बहादुर सिंहले आफ्नो जन्मदिनको अवसरमा क्वारेन्टिनमा बसेकाहरुलाई फलफुल वितरण गरेका छन् ।
बुधबार जन्मदिनको अवसर पारि वडाध्यक्ष सिंहले बेदकोट नगरपालिका–२ स्थित बैजनाथ माध्यमिक विद्यालयमा व्यवस्थापन गरिएको क्वारेन्टिनमा बसेकाहरुलाई फलफुल वितरण गरेका हुन् ।
सिंहले फलफुल वितरण गर्नुका साथै क्वारेन्टिन अनुगमन पनि गरेका छन् ।
त्यस्तै उनले आफुलाई जन्मदिनको शुभकामना दिने सम्पूर्णप्रर्ति आभार प्रकट गरेका छन् ।
नगर प्रवत्ता समेत रहेका वडाध्यक्ष सिंहले निरन्तर यस्ता सामाजिक कार्य गर्दै आएका छन् ।
