महेन्द्रनगर । लगातारको वर्षापछि कञ्चनपुरको भीमदत्त नगपालिका क्षेत्रमा डुबान भएको छ ।
जिल्लामा लगातारको बर्षाका कारण महाकाली नदि सहित नगरक्षेत्रका अन्य शाखा खोलामा पानीको बहाव बढेपछि भीमदत्त नगरपालिका–४ स्थित महेन्द्रनगर बजार, वडा नम्बर–६ स्थित ऐठपुर क्षेत्र डुबानमा परेका छन् ।
त्यस्तै अन्य अधिकासं क्षेत्र जलमग्न भएका छन् । भीमदत्त नगरपालिका–६ ऐठपुर क्षेत्र डुबानमा परेको स्थानिय अनिता सिंह चन्दले बताइन् ।
उनले भनिन्‘लगातारको बर्षापछि आएको बाढीले ऐठपुर क्षेत्र पुरा डुबानमा परेको छ ।’ उनले थपिन ‘केहीको घर भित्रपनि पानी भरिएको छ ।’
नगरक्षेत्र डुबानमा परेपछि ससस्त्र प्रहरी उद्दार कार्यमा खटेको छ ।
जिल्ला विपद व्यवस्थापन समितिले ऐठपुरमा हाल ससस्त्र प्रहरी बलको उद्दार टोली उद्दार कार्यमा खटेको जनाएको छ ।
पानीको उचित निकासका लागि ढलको व्यवस्था नहुँदा महेन्द्रनगर,ऐठपुर क्षेत्र पानी पर्ने वित्तिकै डुबानमा पर्ने गरेको स्थानियले बताएका छन् ।
फोटो /भिडियो सौजन्यः अनिता सिंह चन्द/लवराज भट्ट
