महेन्द्रनगर । कञ्चनपुरको पुनर्वास नगरपालिकाको कालिका स्वास्थ्यचौकी नजिक पानी बोक्ने ट्याङ्करको ठक्करबाट मोटरसाइकलमा सवार एक जनाको मृत्यु भएको छ ।
से ६ प ६४२६ नम्वरको मोटरसाईकल र से १ क १७४ र बा १ क ९७८४ नम्वरको ट्याङकरमध्ये एउटाले ठक्कर दिदाँ पुनर्वास नगरपालिका–७ का ३८ वर्षिय लाकेन्द्र सिंह ठकुरीको घटनास्थलमै मृत्यु भएको जिल्ला प्रहरी कार्यालय कञ्चनपुरका प्रहरी नायव उपरिक्षक अमर थापाले बताए ।
उनले भने ‘त्यहा दुईवटा ट्याङकर थिए । ती दुई ट्याङकरमध्ये एउटा ट्याङकरले ठकुरी सवार मोटरसाईकललाई ठक्कर दिदाँ उनको मृत्यु भएको हो ।’ उनले थपे ‘हामी घटनाको थप अनुसन्धान गर्दै छौ ।’
घटनापछि आक्रोसित स्थानीयले ती दुई ट्याङ्करमाथि आगजनी गरेका छन् ।
