महेन्द्रनगर । अछाममा कोरोनाका कारण एक जनाको मृत्यु भएको छ ।
जिल्लाको रामारोशन गाउँपालिका– ५ का ४५ वर्षीय पुरुषको कोरोनाका कारण मृत्यु भएको जिल्ला अस्पताल अछामका सूचना अधिकारी देव प्रशाद जोशीले बताए ।
उनले भने ‘मृत्यु भएको झन्डै तीन दिनपछि ती पुरुषमा कोरोना पुष्टि भएको हो ।’ उनका अनुसार गत आइतवार जिल्लाको बयालपाटा अस्पतालमा ती पुरुषको मृत्यु भएको थियो ।
ती पुरुष जेठ २७ गते भारतबाट गौरीफन्टा नाका हुदै अछाम प्रवेश गरेका थिए ।
जोशीले भने ‘क्वारेन्टिनमा बसेको अवस्थामा श्वासप्रश्वसमा समस्या आएपछि ती पुरुषलाई उपचारका लागि बयालपाटा अस्पतालमा लगिएको थियो ।’ उनले थपे ‘उपचारको क्रममा गत आइतवार उनको मृत्यु भएको थियो ।’
यो संगै सुदूरपश्चिम प्रदेशमा कोरोना बाट ज्यान गुमाउनेको संख्या ७ पुगेको छ । फाइल फोटो
