यो देशका थप ७ जना क्रिकेटरमा कोरोना पुष्टि

 

काठमाण्डौँ । पाकिस्तान क्रिकेट टिमका थप जना खेलाडीलाई कोरोना भाइरसको संक्रमण पुष्टि भएको छ।

पाकिस्तान क्रिकेट बोर्डका अनुसार दोस्रो चरणको नतिजामा सात जना खेलाडीसँगै एक जना अफिसियललाई पनि कोरोना लागेको हो।

यसअघि मंगलबार तीन जना क्रिकेरलाई कोरोना लागेको थियो।

पाकिस्तानले गत सोमबार ३५ जनालाई कराँची, लाहोर र पेसावरमा कोरोनाको परीक्षण गराएको थियो। जसमा १० जना खेलाडी संक्रमित बनेका हुन्।

मंगलबारको हैदर अली, सादब खान र हरिस राउफलाई कोरोना पुष्टि भएको थियो।

बुधबार कासिफ भाटी, मोहमद हस्नइन, फखर जमान, मोहमद रिजवान, मोहमद हफिज, वाहेब रियाज र इमरान खानलाई कोरोना लागेको हो।

३५ मध्ये २५ खेलाडीमा भने कोरोना भेटिएको छैन। जसमा अबिद अली, असद शाफिक, अजर अली, बाबर अजाम, फहीम असरफ, फवाद अलाम, इफ्तिखर अहमद, इमाम उल हक, खुस्दिल शाह, मोहमद अब्बास, नसीम शाह, सर्फराज अहमेद, शाहीन शाह अफ्रिदी, सान मसूद, सोहिल खान र यासिर शाह छन्।

कोरोना लागेका सबै खेलाडी अब आइसोलेसनमा बस्नेछन् ।

इंग्ल्यान्ड भ्रमणअघि गरिएको परीक्षणमा महत्वपूर्ण खेलाडीलाई कोरोना देखिएपछि पाकिस्तानी टिममाथि चुनौती थपिएको छ।

पाकिस्तानी टिम तीन टेस्ट र तीन टी(२० खेल्नका लागि आगामी साता इंग्ल्यान्ड प्रस्थान गर्दैछ। इंग्ल्यान्ड र पाकिस्तानबीचको सिरिज आगामी अगस्टमा हुनेछ।

यसअघि हरिस सोहिल र मोहमद अमिरले इंग्ल्यान्ड भ्रमण नगर्ने जनाएका थिए।

पाकिस्तानी टिम आगामी जुन २८ मा लाहोरबाट म्यानचेस्टरका लागि प्रस्थान गर्ने कार्यक्रम छ।

कोरोना लागेका खेलाडीले अहिले इंग्ल्यान्ड जान पाउनेछैनन्। खेलाडीहरु १४ दिनको आइसोलेसनमा बस्नु पर्नेछ र त्यसपछि नेगेटिभ नतिजा आउनु पर्नेछ। अनि मात्र उनीहरु इंग्ल्यान्ड भ्रमणमा जान पाउनेछन् । सेतोपाटी

 

[Sassy_Social_Share total_shares="ON"]

Leave A Reply

Please enter your comment!
Please enter your name here

ताजा खबर

पहिराका कारण नारायणगढ–मुग्लिन सडक

पहिराका कारण नारायणगढ–मुग्लिन सडक अवरुद्ध भएको छ। शुक्रबार राति १२...

मार्मा गाउँपालिकामा यार्सागुम्बा संरक्षण तथा प्रशोधन केन्द्र स्थापना हुने

दार्चुलाको मार्मा गाउँपालिकामा यार्सागुम्बा संरक्षण तथा प्रशोधन केन्द्र...

क्षा १२ को ग्रेडवृद्धि परीक्षा आउँदो असोज ३० र ३१ गते

काठमाडौँ – कक्षा १२ को ग्रेडवृद्धि परीक्षा आउँदो असोज...

व्रत बस्ने सामर्थ्यका लागि दर खाने तयारी

१३ भदौ, काठमाडौं । हरितालिका (तीज) व्रतको तयारी स्वरुप...

Website developed by:

spot_img

छुटाउनु भयो कि ?