महेन्द्रनगर । सुदूरपश्चिममा कोरोना संक्रमितको सख्या १ हजार २ सय ४२ पुगेको छ ।
प्रदेशमा सोमबार एकै दिन १ सय ३७ जनामा कोरोना पुष्टि भएको छ । राष्ट्रिय जनस्वास्थ्य प्रयोगशाला टेकुमा गरीएको परीक्षणमा सुदूरपश्चिमका ९६ जनामा संक्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिएका थिए ।
यस्तै धनगढी स्थित कोरोना परीक्षण प्रयोगशालामा गरीएको परिक्षणका थप ४१ जनामा कोरोना पुष्टि भएको सेती प्रादेशिक अस्पतालले जनाएको छ ।
राष्ट्रिय जनस्वास्थ्य प्रयोगशालामा भएको परीक्षणमा सोमबार संक्रमित हुनेमा अछामका २ पुरुष, बैतडीका १ महिला, १३ पुरुष, डडेल्धुराका ५ महिला १० पुरुष, डोटीका ४ महिला, ३ पुरुष र कैलालीका एक महिला, ५६ जना पुरुष रहेका छन् ।
यता धनगढी स्थित कोरोना परीक्षण प्रयोगशालामा गरीएको परीक्षणमा संक्रमित हुनेमा कैलालीको धनगढी उपमहानगरपालिकाका ४ महिला १७ पुरुष, भजनीका एक पुरुष, बझाङको बुगंलका एक महिला, २ पुरुष, डडेल्धुराको गन्यापधुरा गाउँपालीकाका ३ पुरुष, अछामका ३ महिला,२ पुरुष रहेका छन् ।
त्यस्तै कञ्चनपुरको बेदकोट नगरपालिकाका एक पुरुष, शुक्लाफाँटा नगरपालिकाका ३ महिला,एक पुरुष, भीमदत्त नगरपालिकाका एक पुरुष, पुनर्वास नगरपालिकाका २ जना पुरुष रहेका सेती प्रादेशिक अस्पतालले जनाएको छ ।
