सीमानाका खोलेपछि सुदूरपश्चिममा ह्वात्तै बढ्यो कोरोना संक्रमण

महेन्द्रनगर । सुदूरपश्चिम प्रदेशमा चैत मसान्तसम्म तीव्र गतिमा कोरोना संक्रमण बढेको थियो । चैत २२ गतेसम्म नेपालमा ९ जना संक्रमित भेटिएका थिए ।

तीमध्ये ४ जना संक्रमित सुदूरपश्चिमकै थिए । बैशाख १ गते कैलालीमा थप एक जनामा संक्रमण देखियो ।

चैत मसान्तसम्म तीव्र रुपमा बढेको संक्रमण त्यसपछि एक महिना बढी समय शून्य जस्तै भयो । फेरि पछिल्लो एक महिना यता भने सुदूरपश्चिममा कोरोना संक्रमणको दर तीव्र रुपमा बढ्दै गएको छ ।

कारण हो सुदूरपश्चिम संग जोडिएका भारतिय सिमा नाका खोल्नु । लकडाउनका बीचमा भारतमा अलपत्र परेका नेपाली नागरीकलाई स्वदेश फर्काउन जेठ १२ गते देखी सुदूरपश्चिमका भारत संग जोडिएका गड्चौकी र त्रिनगर नाका खोलिएपछि प्रदेशमा संक्रमण तिव्र रुपमा फैलिदै गएको हो ।

जेठ ११ गते (अथवा नाका खोल्नु पूर्व) सुदूरपश्चिममा १५ जना मात्र कोरोना संक्रमितका विरामी थिए । सुदूरपश्चिममा ती १५ जना संक्रमित पुग्न ५५ दिन लागेको थियो ।

त्यसपछि जेठ १२ गते नाका खोलियो । नाका खोलेको दुई सातामै (जेठ २५ गते सम्म) संक्रमितको संख्या १५ बाट बढेर १ सय ८ पुगेको थियो ।

जेठ २५ गते पछिको दुईसातामा १ सय ८ जनाबाट बढेर संक्रमितको संख्या हजार नाघेको छ । नाका खोलेको ४ सातामैँ प्रदेशमा सं्रमितको संख्या १५ बाट बढेर एक हजार ९ पुगेको स्वास्थ्य निर्देशनालयले जनाएको छ ।

प्रदेशमा कोरोना संक्रमणका कारण हाल सम्म ५ जनाको मृत्यु भइसकेको छ भने १ सय ३४ जना उपचार पछि निको भई अस्पतालबाट डिस्चार्ज भएका छन् ।

भारतबाट पछिल्लो समय लाखौँ मानिस भित्रिएकाले र खुकुलो लकडाउनका कारण सुदूरपश्चिममा कोरोना संक्रमितको संख्या अझै बढ्न सक्ने विज्ञहरुको अनुमान छ ।

यो पनि पढ्नुहोस्ः

सुदूरपश्चिममा एकैदिन थप ७६ जनामा कोरोना पुष्टि,संक्रमितको संख्या एक हजार नाघ्यो

नाकामा रोकिएन घर फर्कनेको भिड, गड्डाचौकी नाकाबाट १४ दिनमा २५ हजार बढी भित्रिए

ताजा खबर

दार्चुलामा तुइनबाट खसेर एकजनाको मृत्यु

दार्चुला – दार्चुलामा तुइनबाट महाकाली नदीमा खसेर एक जनाको मृत्यु...

महाकाली सिचाई आयोजनाको मूल नहरको उदघाटन हुन नसक्दा किसानहरु पानी पाउन बाट वन्चित

महेन्द्रनगर । राष्ट्रिय गौरबको आयोजनाको रुपमा अघि बढिरहेको महाकालि...

दुग्ध उत्पादक किसानहरु लाई खप्तड कृषि सहकारी द्धारा मिल्क क्यान सहयोग

महेन्द्रनगर ।कञ्चनपुरको खप्तड कृषि सहकारीले दुध व्यवशायलाई सुदृढ गर्न...

अब अन्तरिक्षमा ब्रेन ट्युमरको उपचार हुने

बेलायती अन्तरिक्ष एजेन्सीले २ वटा नयाँ मिसनलाई अन्तरिक्षमा प्रक्षेपण...

Website developed by:

spot_img

छुटाउनु भयो कि ?