महेन्द्रनगर । लुम्बिनी विकास बैंक महेन्द्रनगर शाखाले अनाथालय र वृद्ध सेवा केन्द्रमा खाद्यान्न सहयोग गरेको छ ।
लकडाउनको समयमा अनाथालय तथा वृद्धआश्रममा भएको खाद्यन्न समस्यालाई मध्यनजर गर्दैँ बिहिबार बैकको महेन्द्रनगर शाखाले खाद्यन्न वितरण गरेको हो ।
बैंकका शाखा प्रमुख अशोक जोशीले सामाजिक उत्तरदायित्व अन्र्तगत वृद्ध सेवा केन्द्र र अनाथालयमा सहयोग गरेको बताए ।
उनका अनुसार महेन्द्रनगरका समाज कल्याण कञ्चन बाल अनाथालय, महिला तथा वृद्ध सेवा केन्द्र वनगाँउ र वेदकोट नगरपालिकास्थित बैजनाथ वृद्ध सेवा केन्द्रलाई खाद्यान्न सहयोग गरिएको हो ।
‘लकडाउनका कारण सबैतीर खाद्यान्न समस्या परेको छ ।’ शाखा प्रमुख जोशीले भने‘सामाजिक उत्तरदायित्व अन्र्तगत परोपकारी कार्यमा बैकले सहयोग गर्दै आएको छ ।’
अगामी दिनमा पनि बैकले सामाजिक कार्यमा सहयोग गर्ने उनको भनाई छ । महिला तथा वृद्ध सेवा केन्द्र वनगाँउकी अध्यक्ष शारदा चन्दले विषय परिस्थितीमा खाद्यान्न सहयोग गरेको धन्यवाद ज्ञापन गरिन् । लुम्बिनी विकास बैंकले निरन्तर यस्ता सामाजिक कार्य गर्दै आएको छ ।
