महेन्द्रनगर । कञ्चनपुर स्थित उदयदेव बहुउद्देश्यीय सहकारी संस्थाले संस्थामा आवद्ध सदस्यहरु लाई स्वास्थ्य सामग्री वितरण गरेको छ ।
सहकारीले आफ्ना सम्पूर्ण सदस्यहरु लाई विश्व महामारीको रुपमा फैलीरहेको कोरोना भाइरस सम्बन्धि सचेतना गराउनुका साथै मास्क, सावुन तथा सेनिटाईजर लगायतका स्वास्थ्य सामग्री समेत वितरण गरेको हो ।
उक्त पहिलो चरणको कार्यक्रमको अन्तिम दिन मंगलवार कृष्णपुर नगरपालिका–६ स्थित मौरिफाटाका संस्थामा आवद्ध २९ जना सदस्याहरु लाई स्वाथ्य सामाग्री वितरण गरीएको संस्थाका प्रमुख कार्यकारी अधिकृत गणेश चन्दले बताए ।
उनले भने‘स्वास्थ्य सामग्री वितरण गर्नुका साथै यो महामारीका कारण समस्या परेका नागरीकहरु लाई केहि राहत पुगोस भन्ने उद्देश्यले जिल्लाका प्रत्यक स्थानीय तहहरु लाई ५०/५० हजार रुपैयाका दरले नगद रकम समेत सहयोग गरेका छौ ।’
त्यस्तै संस्थाका ६ वटै सेवा केन्द्र मार्फत कोरोना विरुद्ध जनचेतना जगाउनुका साथै स्वास्थ्य सामग्री वितरण गरीएको प्रमुख कार्यकारी अधिकृत चन्दले जानकारी दिए ।
‘संस्थाले कृषकहरुको लागी मलखाद,धानको बीउ समेत वितरण गरेको छ ।’ चन्दले भने ‘आगामी दिनमा समेत संस्थाले सहयोग गर्ने छ ।’
संस्थाले स्वास्थ्य सामग्री वितरण गरे पछी संस्था संग आवद्ध सदस्यहरुले समेत खुशी व्यक्त गर्दै आगामी दिनमा समेत सहयोगको अपेक्षा गरेका छन् ।
कञ्चनपुरको महेन्द्रनगरमा प्रधान कार्यालय रहि जिल्ला भरी सेवा दिदै आएको जिल्लाकै सबै भन्दा पुरानो उदयदेव बहुउद्देश्यीय सहकारी संस्था लिमिटेडले किसानहरुका लागी बिशेष कार्यक्रमहरु ल्याउदै आएको छ ।
सहकारीले निरन्तर यस्ता सामाजिक कार्य पनि गर्दै आएको छ ।
