‘नोकिया सीटू–फोरजी’ स्मार्ट फोन नेपाली बजारमा, कति पर्छ मूल्य ?

काठमाडौं– नेपालको लागि नोकिया मोबाइलको आधिकारीक वितरक टेलिटकले कम मूल्यको स्तरीय फोरजी स्मार्टफोन नोकिया सीटू बजारमा ल्याएको छ । यो स्मार्टफोन मा उत्कृष्ट एचडी डिस्प्ले, आकर्षक बनावट र बढि स्टोरेज क्षमता भएकोले अरु कम मूल्य पर्ने स्मार्टफोन भन्दा एकदमै राम्रो हुने कम्पनीको दाबी छ ।

वर्तमान अवस्थाको जिवनशैली तथा आवश्यकता अनुसार भर्चुअल मिटिङ, अनलाइन क्लास, अनलाइन स्टिमिङ र अन्य इन्टरटेनमेन्टका लागी उपभोक्ताहरुद्वारा सस्तो र फास्ट चल्ने सुविधायुक्त स्मार्टफोनको माग बजारमा अधिकतम रुपमा बढेको छ ।

नोकिया सीटू–फोरजी स्मार्टफोनमा ५।७ इन्चको एचडी प्लस आईपीएस डिस्प्ले स्क्रिन छ जसलाई टफन ग्लासद्धारा सुरक्षित गरिएको हुनाले छिट्टै कोरिने र फुट्ने डर कम हुन्छ । यसमा एन्ड्रोयड ९ पाई अपरेटिङ सिस्टम छ, जुन गो एप्स चलाउनको लागी उत्कृष्ट अपरेटिङ सिस्टम हो ।

गो एप्सले कम डाटा खपत गर्छ र कम स्टोरेज स्पेस लिन्छ । यसमा माइक्रो एसडी कार्डद्वारा ६४जीबीसम्म स्टोरेज बढाउन सकिन्छ । साथै यसमा भ्वाइस असिस्टेन्ट एपको लागि डेडिकेटेड गुगल असिस्टेन्ट बटन पनि छ । यो स्मार्टफोनमा बदल्न मिल्ने २८००एमएएचको ब्याट्री छ जसको चार्ज दुई दिन सम्म टिक्छ ।

फोटोग्राफीको लागी नोकिया सीटू–फोरजी स्मार्टफोनमा पछाडि ५ मेगापिक्सेल अटोफोकस क्यामेरा र फ्ल्यास् लाइट, सेल्फीको लागी पनि ५मेगापिक्सेल क्यामरा, सेन्सर एलइडी फ्ल्यास लाइट रहेको छ । यसमा अन्य नोकिया स्मार्ट फोनहरुमा जस्तै स्ट्याण्र्डड क्यामेरा फिचरहरु रहेको छ । यसमा अन्य स्मार्टफोनमा हुने सबै कनेक्टिभिटि फिचरहरुरहेका छन । नोकिया सीटू–फोरजी स्मार्टफोनको बजार मूल्य रु.९,२९९ पर्दछ भने बिभिन्न आकर्षक रगंहरुमा पनि बजारमा पाउन सकिन्छ ।

साथै अहिले बजारमा उपलब्ध भईरहेको नोकिया सीवान र नोकिया २.३ स्मार्टफोनहरु १२ हजार भन्दा कम मूल्य पर्ने भएकोले प्रयोगकर्ताहरु द्धारा अत्यन्त रुचाएको छ । साथै नोकियाका फिचर फोनहरु र नोकिया सीवान स्मार्टफोनमा ३६५ दिनको रिप्लेसमेन्ट ग्यारेन्टी उपलब्ध छन् । रातेपाटी

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?