मन्त्र अस्पताल र ग्लोबल आईएमई बैङ्कबिच सम्झौता ः ५ देखि २५ प्रतिशत सम्म उपचारमा छुट

कञ्चनपुर १० साउन ।
कञ्चनपुरको महेन्द्रनगरमा रहेको मन्त्र अस्पताल एण्ड रिसर्च सेन्टर र ग्लोबल आईएमई बैँक विच सम्झौता भएको छ । बैँकमा खाता भएका सदस्यहरुलाई मन्त्र अस्पतालले उपचारमा छुट दिने दुवै संस्था विच शुक्रवार सम्झौता भएको हो । ग्लोबल आईएमई बैँकका शाखा प्रमुख भुवन प्रशाद भट्ट र मन्त्र अस्पतालका अध्यक्ष कैलाश चन्द्र भट्ट, अस्पतालका मेडिकल डाईरेक्टर डा. गोविन्द रोकायले सम्झौता पत्रमा हस्ताक्षर गरेका छन् ।
अस्पतालमा भर्ना गर्नेदेखी विभिन्न स्वास्थ्य सेवामा बैँकमा खाता भएका सदस्यहरुलाई उनिहरुको उपचारमा ५ प्रतिशत देखी २५ प्रतिशत सम्म छुटको व्यवस्था गर्नेगरी दुवै पक्षबिच सम्झौता भएको मन्त्र अस्पतालका अध्यक्ष भट्टले जानकारी दिनु भएको छ । मन्त्र अस्पतालका मेडिकल डाईरेक्टर डा. गोविन्द रोकायले बैँकमा सदस्य रहनु भएकाहरुलाई स्वास्थ्य उपचारमा विशेष छुटको व्यवस्था सहित अन्य सेवाहरु पनि प्रदान गर्ने गरी सम्झौता गरीएको बताउनु भयो । साथै पोस मेसिनबाट क्रेडिट र डेविट कार्डबाट पनि भुक्तानीको व्यवस्था रहेको उहाँले बताउनु भयो । बैँकका प्रमुख भट्टले आफना सदस्यहरुले उपचार गर्न आउँदा आफुसंग भएका एटिएम कार्ड, चेक देखाएर आफनो स्वास्थ्य जाँच छुटमा गर्न सक्ने व्यवस्था गरिएको बताउनु भयो । साथै आफना बैँकका ग्राहकहरुले मन्त्र अस्पतालसंग छुटमा स्वास्थ्य उपचार पाउनका लागी आफुहरुले शुक्रबार सम्झौता गरिएको र आफनो कर्मचारीहरु ग्राहकहरुले छुटमा स्वास्थ्य उपचार पाउने जानकारी दिनु भयो ।
मन्त्र अस्पतालले पछिल्लो समयमा सामाजिक उत्तरदायित्व अन्तरगत विभिन्न कार्यहरु गर्दै आएको छ । यो बैँकसहित विभिन्न ९ वटा संस्थाहरु संग् सम्झौता गरी सकेको छ ।