महेन्द्रनगर । सुदूरपश्चिमाञ्चल विश्व विद्यालयका उपप्राध्यापक टेकेन्द्र भट्टको आर्थीक सहयोग तथा विद्यार्थी नेता नरेन्द्र भट्ट र सोही विश्वविद्यालयका उपप्राध्यापक मनिस ओझाको पहलमा बृद्धआश्रम तथा अनाथालयमा खाद्यान्न सामाग्री वितरण गरीएको छ ।
शुक्रवार एक कार्यक्रमका बिच कञ्चनपुर स्थित समाज कल्याण अञ्चल बाल अनाथालय, बैजनाथ धाम जेष्ठ नागरीक बृद्धआश्रम र महिला तथा बृद्धसेवा केन्द्र बृद्ध आश्रममा झन्डै ६५ हजार मुल्य बराबरको खाद्यान्न सामाग्री वितरण गरीएको समाजसेवी विद्यार्थी नेता नरेन्द्र भट्टले बताए ।
यस अघिपनि उपप्राध्यापक भट्टको आर्थीक सहयोग र विद्यार्थी नेता भट्ट तथा अर्का उपप्राध्यापाक ओझाको पहलमा लकडाउनको बेला कोही पनि भोकै बस्न नपरोस भन्ने उद्देश्यले महेन्द्रनगरमा घरभाडा गरी पढ्ने विद्यार्थी तथा दैनिक ज्याला मजदुरी गरी गुजारा गर्ने परिवारलाई पनि खाद्यान्न तथा कोनाना विरुद्ध लड्न स्वास्थ्य सामाग्री वितरण गरेका थिए ।
समाजसेवी तथा सुप विश्व विद्यालयका उपप्राध्यापक हाल अमेरीकामा अध्ययनरत छन् ।
आफु हाल विदेशमा रहेपनि कोरोनाको यस्तो महामारीको अवस्थामा सामाजिक सञ्जालमा मातृभूमिका नागरिकहरुले पाएको पीडालाई स्मरण तथा मध्यनजर गर्दै सानो सहयोगले केही राहत मिल्छ की भने उद्देश्यले अमेरीकाबाट सहयोग पठाउने गरेको उपप्राध्पापक भट्टले बताए ।
उनले भने ‘मैले आफु र यहाँ अमेरीमा रहेका अन्य नेपालीहरुबाट आर्थिक सहयोग संकलन गरी नेपाल पठाउने गरेको छु ।’
विद्यार्थी नेता भट्ट, उपप्राध्यापकहरु भट्ट ओझले निरन्तर यस्ता सामाजिक कार्य गर्दै आएका छन् ।
