महेन्द्रनगर । कञ्चनपुरमा बलात्कारको आरोपमा एक जना पक्राउ परेका छन् । जिल्लाको बेलौरी नगरपालिकाका–७ का २५ बर्षीय युवकलाई पक्राउ गरिएको ईलाका प्रहरी कार्यालय बेलौरीे प्रमुख प्रहरी निरीक्षक रण बहादुर चन्दले बताए ।
मध्यरातमा बेलौरी नगरपालीका–७ पौलाह स्थित घरमा एक्लै सुतिरहेको मौका छोपी १५ वर्षिया किशोरीमाथि जबर्जस्ती करणी गर्ने एक युवकलाई पक्राउ गरिएको प्रहरी निरीक्षक चन्दले बताए ।
उनले भने ‘मध्यरातमा घरमा एक्लै सुतिरहेको अवस्थामा घरको पछाडी पट्टीको झ्याल तोडेर कोठा प्रवेश गरी किशोरीमाथी जवर्जस्तीकरणी गर्ने पौराहका २५ वर्षिया युवकलाई नियन्त्रणमा लिएका छौ ।’
ती युवकले आफु घरको कोठामा एक्लै सुतिरहेको मौका छोपी झ्यालबाट कोठामा प्रवेश गरेर बलात्कार गरेको किशोरीको आरोप छ ।
प्रहरी निरीक्षक चन्दका अनुसार विस्तृत स्वास्थ्य परीक्षणका लागि किशोरीलाई अहिले धनगढी स्थित सेती प्रादेशिक अस्पताल लगिएको र घटनाको थप अनुसन्धान भैरहेको छ ।
