महेन्द्रनगर । अमेरिकी रक्षा मन्त्रालयको छाता भित्र रहेको मिलिनियम च्यालेन्ज कर्पोरेशन (एमसिसि) को विराधमा कञ्चनपुरका युवा पनि सडकमा उत्रिएका छन् ।
एमसिसि सम्झौता खारेज गर्नु पर्ने माग गर्दै बुधवार कञ्चनपुरका युवाहरु जिल्लाको महेन्द्रनगर बजारमा शान्तीपूर्ण आन्दोलन सहित जिल्ला प्रशासन कार्यालयको प्रवेश द्धारमा एक घण्टा धर्ना बसेका हुन् ।
एमसिसि नेपालको हितमा नरहेकोले खारेज गर्न माग गर्दै आफुहरु सडकमा उत्रिएको आन्दोलनमा सहभागी एक युवा विवेक पन्तले बताए । उनले भने ‘एमसिसि देशको हितमा छैन र यो देशको लागी घातक छ ।’ ‘त्यसैले एमसिसि सम्झौता खारेज गर्नु पर्छ ।’
एमसिसि खारेज नभए आफुहरु कडा आन्दोलन सहित सडकमा उत्रिने युवाहरुले चेतवनी दिएका छन् ।
