महेन्द्रनगर ।कञ्चनपुरको महेन्द्य्रनगर स्थित बैजनाथ माध्यमिक विद्यालयको क्वारेन्टिनको सुरक्षामा खटिएका असई सहित दुई जना प्रहरीमा कोरोना संक्रमण पुष्टि भएको छ ।
जिल्ला प्रहरी कार्यालय कञ्चनपुरकबाट क्वारेन्टिनको सुरक्षामा तैनाथ एक जना असई र हवल्दारमा कोरोना पोजेटिभ देखिएको डिएसपी अमर थापाले बताए ।
‘दुई जनामा कोरोना पोजेटिभ देखिएको छ, हामीले अहिले उहाँहरुलाई छुट्टै राखेका छौँ ।’ डिएसपी थापाले भने, ‘सतर्कता अपनाउँदा अपनाउँदै पनि संक्रमणले छोएको छ, हामीले अहिले उच्च सतर्कता अपनाउन भनेका छौँ ।’
क्वारेन्टिनको सुरक्षामा खटिएका दुई जना प्रहरी अधिकारीमा कोरोना संक्रमण देखिए पछि अहिले क्वारेन्टिन सील गरिएको छ ।
संक्रमित दुवै जनाको अवस्था सामान्य रहेको छ । उनीहरुलाई अहिले महेन्द्रनगरस्थित आइसिएचको आइसोलेसनमा राखिएको छ ।
