महेन्द्रनगर । कञ्चनपुर जिल्लामा लकडाउन अवधि बढाइएको छ ।
सरकारको निर्णय अनुरुप सोमवार जिल्ला प्रशासन कार्यालय कञ्चनपुरले पनि जिल्लाभर जेठ ३२ गते सम्मका लागी लकडाउन बढाएको सहायक प्रमुख जिल्ला अधिकारी गोकर्ण प्रशाद उपाध्यायले बताए ।
कोरोना रोकथाम तथा नियन्त्रणका निम्ति उक्त निर्णय गरीएको हो ।
‘लकडाउन अवधिमा जिल्लामा कृषि तथा पशुपन्छीका लागि अत्यावश्यक औषधिलगायत सेवा प्रवाह गर्ने एग्रोभेटहरु बिहान ११ बजेदेखि २ बजे (३ घण्टा) सम्म सञ्चालन गर्न पाइनेछ ।’ सहायक प्रमुख जिल्ला अधिकारी उपाध्यायले भने ‘ बैंक तथा वित्तीय संस्थाहरु कोभिड–१९ रोगको संक्रमण नबढ्ने गरी उच्च स्वास्थ्य सतर्कता अपनाएर न्यूनतम कर्मचारीहरु उपस्थित भएर भीडभाड नहुने गरी सञ्चालन गर्न सकिनेछ ।’
