महेन्द्रनगर । विश्व महामारीको रुपमा फैलीरहेको कोरोना भाइरस रोकथामका लागी देश एक महिना बढी देखी लकडाउन गरीएको छ ।
लकडाउनका कारण सर्वसाधारण सबैको जनजिवन प्रभावित बनेको छ । दैनिक ज्याला मजदुरी गरी गुजारा गर्ने परिवार र घर भाडा गरी बस्ने विद्यार्थीहरु बढी प्रभावित बनेका छन् ।
यद्यपी काठमाण्डौँमा घरभाडा गरी बस्ने कञ्चनपुरबासी भोकै बस्न नपरोस् भन्ने उद्देश्यले नेपाली कांग्रेसका केन्द्रिय सदस्य एनपी साउँद र बहादुर थापाको पहलमा शुक्रवार २ सय जना कञ्चनपुरबासीलाई घर ल्याइएको छ ।
नेपाली कांग्रेसका नेताहरुको पहलमा गाडीहरुको व्यवस्था गरी झन्डै २ सय कञ्चनपुरबासीलाई घर ल्याइएको विद्यार्थी नेता शुदर्शन पनेरुले बताए ।
उनले भने ‘शुक्रवार झन्डै २ सय जनालाई घर ल्याइयो ।’उनले थपे ‘अझ धेरै जना छुट्नु भएको छ । यद्यपी उहाँहरु सबैलाई घर ल्याउने प्रयास गरीरहेका छौ ।’
