महेन्द्रनगर । विश्व महामारीको रुपमा फैलीरहेको कोरोना भाइरस(कोभिड–१९)को रोकथामका लागी एक महिना बढी देखी देश लकडाउन गरीएको छ । लकडाउका कारण सबै प्राणीको जनजिवन प्रभावित बनेको छ ।
दैनिक ज्यालामजदुरी गरी गुजार गर्ने परिवार, घरभाडा गरी पढ्ने विद्यार्थी र छाडा चौपाया तथा अन्य जनावर,चराचुरुङ्गी बढी प्रभावित बनेका छन् ।
यस्तो अवस्थामा मानवलाई सबैले सहयोग गरीरहेका छन् । तर पशुपन्छीलाई पनि खाना चाहिन्छ पशुपन्छीलाई पनि खाना दिनु पर्छ भन्ने तर्फ धेरै कमको ध्यान गएको छ ।
लकडाउनका कारण कञ्चनपुरको महेन्द्रनगर क्षेत्रका बाँदर हुन् या सहरभरका कुकुर, काग, परेवा तथा छाडा पशुचौपायाले आहारा पाउन छाडेका छन् ।
मान्छेको दैनिक गतिविधि ठप्प बन्दा पशुपन्छी भोकै पर्न थाल्येका छन् । यद्यपी सबैको ध्यान मानवजातीलाई राहत बाड्ने तर्फ केन्द्रित भैरहेको अवस्थामा ८/१० जनाको समुह पहेलो जर्सी लगाएर गत १८ दिन देखी पशुपन्छीलाई निरन्तर विभिन्न खानेकुरा बाडीरहेका छन् ।
ती पहेलो जर्सी लगाएका अन्नदातालाई देख्ने वित्तिकै पशुपन्छीहरु यति आत्तिएर उनिहरुतर्फ आउँछन की त्यसले तिनीहरू कति भोकाएका छन् भन्ने देखाइरहेको हुन्छ ।
आहारा बाँड्ने त्यो टोली अशक्त, सुत्केरी र साना सबै पशुपन्छीलाई पनि उत्तिकै आहारा पाउनेगरी बाँडिरहेका हुन्छन् ।
को हो पहेलो जर्सी लगाएको त्यो टोली ?
पहेलो जर्सि लगाएर निरन्तर पशुपन्छीलाई आहारा खुवाउने त्यो हेल्प नेपाल कञ्चनपुरको टोली हो ।
निरन्तर सामाजिक कार्य गर्दै आएको संस्था हेल्प नेपाल कञ्चनपुरले पशुपन्छीको सुरक्षा र अधिकारका विषयमा काम पनि काम गर्दै आएको छ । लकडाउन पछि भोका बनेका पशुपन्छी खोजीखोजी आहारा खुवाउने गरेको छ ।
संस्थाले आहारासँगै उद्वार र उपचारको व्यवस्था पनि गरेको छ । लकडाउनका कारण पशुपन्छी खान नपाएर मर्ने नपरोस भन्ने उद्देश्यले आफुहरुले पशुपन्छलाई अन्न दिइरहेका हेल्प नेपाल कञ्चनपुरका अध्यक्ष मदन चन्दले बताए ।
उनले भने ‘मानवमा निर्भर पशुपन्छिहरु भोकै मर्न नपरोस भनेर हामीले महेन्द्रनगर क्षेत्रका पशुपन्छिलाई विगत १८ दिन देखी निरन्तर खाना खुवाइरहेका छौ ।’
